मुम्बई, २० जुलाई (हि.स.)। महाराष्ट्रको वर्धा जिल्लाको सालोद क्षेत्रमा समृद्धि राजमार्गमा सोमवार बिहान सबेरै भएको एक विचित्र सड़क दुर्घटनामा छह जनाको मृत्यु भएको छ। मृतकमध्ये एउटै परिवारका चार सदस्य तथा अर्को सवारीसाधनका चालक र क्लीनर रहेका छन्। घटनाको जानकारी पाएलगत्तै पुलगाउँ पुलिस र राजमार्ग पुलिसको टोली घटनास्थल पुग्यो।
वर्धा जिल्लाका पुलिस अधीक्षक सौरभ अग्रवालले पत्रकारहरूलाई जानकारी दिँदै समृद्धि राजमार्गको नागपुरतर्फ जाने सड़कमा एउटा इथेनोल बोकेको ट्रक पल्टिएपछि सवारी आवागमन अवरुद्ध भएको बताए। त्यसपछि सवारी साधनहरूलाई बिस्तारै अर्को लेनबाट निकालिँदै थियो। यसै क्रममा पछाड़ीबाट आउँदै गरेको खुर्सानी बोकेको एक आयशर ट्रकले कारलाई जोरदार ठक्कर दियो। ठक्कर यति शक्तिशाली थियो कि कार ट्रकमुनि च्यापियो।
त्यसैबेला ट्रकमा आगलागी भयो। आगोकोमा परेर ट्रकका चालक र क्लीनरको मृत्यु भयो। ट्रकमुनि च्यापिएको कारमा सवार चार जनाको घटनास्थलमै मृत्यु भएको पुलिसले जनाएको छ।
मृतकहरूको पहिचान कारमा सवार अंकुश राउत, राजेश टिपले, जान्हवी टिपले र सुषमा टिपले तथा आयशर ट्रकका चालक सञ्जय कुमार र क्लीनर समरजीत पालका रूपमा भएको छ। सञ्जय कुमार उत्तर प्रदेशको धनजीपुर र समरजीत पाल उत्तर प्रदेशकै गधरियनपुरका बासिन्दा थिए।
स्थानीय बासिन्दा अनुसार, वर्धाका राजेश टिपलेकी दुई छोरीमध्ये एक जनाले एमबीएमा भर्ना पाएकी थिइन्। उनलाई पुणेमा छोड्न परिवार आइतवार गएको थियो। आइतवार राति उनीहरू वर्धा फर्किंदै थिए, तर समृद्धि राजमार्गमा भएको दुर्घटनामा परिवारका चार सदस्यको ज्यान गयो।
हिन्दुस्थान समाचार / भवानी थामी
