देहरादून, २१ जुलाई (हि.स.)। उत्तराखण्डमा प्रतिकूल मौसमका कारण जुलाई २० मा सावधानी स्वरूप अस्थायी रूपमा स्थगित गरिएको चारधाम यात्रा मंगलवारदेखि पुनः सुचारु रूपमा सञ्चालनमा आएको छ।

गढ़वाल आयुक्त आनन्द स्वरूपले चारधाम यात्रासँग सम्बन्धित सबै जिल्लाका प्रशासन, पुलिस, एसडीआरएफ तथा अन्य सम्बन्धित निकायहरूको समन्वयमा यात्रा सञ्चालन भइरहेको जानकारी दिएका छन्। उनी अनुसार, यात्रा मार्गहरूको निरन्तर अनुगमन भइरहेको छ र संवेदनशील क्षेत्रहरूमा विशेष सतर्कता अपनाइएको छ।

उनले यात्रुहरूलाई यात्रा क्रममा कुनै स्थानमा भारी वर्षा, पहिरो वा अन्य कारणले सड़क अस्थायी रूपमा अवरुद्ध भएमा प्रशासनले तोकेका सुरक्षित स्थान वा होल्डिङ क्षेत्रमा मात्र बस्न तथा प्रशासन र पुलिसका निर्देशहरूको पूर्ण रूपमा पालना गर्न आग्रह गरेका छन्। परिस्थिती सामान्य भएपछि मात्र यात्रा पुनः अगाड़ी बढ़ाइने उनले बताए।

गढ़वाल आयुक्त स्वरूपले यात्रुहरूको सुरक्षा प्रशासनको सर्वोच्च प्राथमिकता रहेको उल्लेख गर्दै मौसम र यात्रा मार्गहरूको अवस्थामाथि निरन्तर निगरानी राख्न तथा आवश्यक परे तत्काल कदम चाल्न सम्बन्धित निकायहरूलाई निर्देश दिइएको जानकारी दिए। उनले यात्रुहरूलाई यात्रा शुरु रु गर्नुअघि मौसम सम्बन्धी ताजा जानकारी लिन र प्रशासनद्वारा जारी आधिकारिक सूचनामाथि मात्र विश्वास गर्न पनि आग्रह गरेका छन्।

/ बिशाल