नयाँ दिल्ली, 22 जुलाई (हि.स.)। मनिलामा भएको भारत, अमेरिका, अस्ट्रेलिया र जापानका विदेश मन्त्रीहरूको क्वाड बैठकमा आसियानको केन्द्रिय भूमिकालाई बलियो बनाउन, स्वतन्त्र र खुला इन्डो-प्यासिफिक क्षेत्रलाई समर्थन गर्न र समुद्री सुरक्षा, आर्थिक समृद्धि, उदीयमान प्रविधि र मानवीय सहायता जस्ता क्षेत्रमा सहयोग बढ़ाउन सहमति भएको छ। बैठकमा चार देशहरूले क्षेत्रीय शान्ति र स्थिरतालाई इन्डो-प्यासिफिकको सुरक्षा र समृद्धिको आधारशिला बताउँदै आसियानलाई अझ् सुदृढ पार्न जोड दिए।
भारतका विदेश मन्त्री डा. एस जयशंकर, अस्ट्रेलियाका विदेश मन्त्री पेनी वोङ, जापानी विदेश मन्त्री तोसिमित्सु मोतेगी र अमेरिकी विदेश मन्त्री मार्को रुबियोले एक संयुक्त वक्तव्यमा चार देशहरूले आसियानको एकता र केन्द्रिय भूमिकाका लागि आफ्नो अटुट समर्थन जारी राख्ने बताएका छन्। क्वाड र आसियानबीचको सहकार्य यस क्षेत्रको स्थिरता, विकास र समृद्धिका लागि महत्वपूर्ण छ।
विदेश मन्त्रीहरूले आसियान सदस्य राष्ट्रहरूसँगको सम्बन्धलाई अझ् सुदृढ़ पार्दै यस क्षेत्रको सफलता र विकासमा गहिरो लगानी गरेको उल्लेख गरे। बैठकमा क्षेत्रीय चुनौती र अवसरहरूबारे विस्तृत छलफल गरियो र आसियानको इन्डो-प्यासिफिक दृष्टिकोणको व्यावहारिक कार्यान्वयनलाई अगाड़ी बढ़ाउन सहमति भयो।
समुद्री र अन्तरराष्ट्रिय सुरक्षा, आर्थिक समृद्धि र सुरक्षा, महत्वपूर्ण र उदीयमान प्रविधिहरू, मानवीय सहायता र आपदा राहत क्वाड र आसियानबीचको सहयोगलाई अझ् बढ़ाउने क्षेत्रहरू हुन्। यी क्षेत्रहरूमा व्यावहारिक सहयोगले सम्पूर्ण इन्डो-प्यासिफिक क्षेत्रलाई लाभ पुग्ने कुरामा विदेश मन्त्रीहरूले जोड दिए।
बैठकमा सामुद्रिक क्षेत्रको सुरक्षालाई विशेष महत्त्व दिइयो। इन्डो-प्यासिफिकको समुद्री क्षेत्रमा शान्ति र स्थिरता सम्पूर्ण क्षेत्रको सुरक्षा र आर्थिक विकासका लागि आवश्यक रहेको चार देशले बताए। उनले नियममा आधारित अन्तरराष्ट्रिय व्यवस्था, सुरक्षित समुद्री मार्ग र क्षेत्रीय सहयोगलाई सुदृढ़ पार्ने आवश्यकतामा जोड दिए।
क्वाड देशहरूले क्षेत्रीय र विश्वव्यापी चुनौतीहरूलाई सम्बोधन गर्न आसियानसँग मिलेर काम गर्न जारी राख्ने पनि संयुक्त विज्ञप्तिमा भनिएको छ। सहयोग, संवाद र साझेदारीबाट मात्र इन्डो-प्यासिफिक क्षेत्रलाई अझ् सुरक्षित, स्थिर र समृद्ध बनाउन सकिन्छ भन्ने कुरामा विदेश मन्त्रीहरू सहमत भए।
हिन्दुस्थान समाचार / भवानी थामी
26 Jul 2026
