मस्कट (ओमान), 22 जुलाई (हि.स.)। भारतीय सब-जुनियर पुरुष र महिला टोलीले एफआईएच5एस एसियन च्याम्पियनसिप 2026 मा उत्कृष्ट प्रदर्शन जारी राखेका छन्। मङ्गलबार एलिट पुल म्याचमा पुरुष टोलीले आयोजक ओमान र कट्टर प्रतिद्वन्द्वी पाकिस्तानलाई पराजित गऱ्यो भने महिला टोलीले चीनसँग बराबरी खेलेर एकतर्फी खेलमा उज्बेकिस्तानलाई पराजित गरेको छ।

भारतीय सब-जुनियर पुरुष टोलीले रोमाञ्चक भिडन्तमा पाकिस्तानलाई 7-4 ले पराजित गऱ्यो। भारतका लागि करण गौतमले पाँचौँ, नौऔॅं र 19औँ मिनेटमा गोल गर्दै ह्याट्रिक पूरा गरे। यसबाहेक राहुल यादव (3'), प्रह्लाद राजभर (10'), कप्तान केतन कुशवाह (11') र रोमित पाल (11') ले एक-एक गोल गरे।

पाकिस्तानका लागि असलम मुहम्मद फरहान (6'), अदील (8') र उस्मान मुहम्मद (10', 16') ले गोल गरे। यसअघि भारतीय पुरुष टोलीले आयोजक ओमानलाई 14-0 ले पराजित गरेको थियो। कप्तान केतन कुशवाहाले चार गोल गरे भने आशिष तानी पुर्तीले ह्याट्रिक गरे। यसरी नै राहुल यादव र शाहरुख अलीले दुई-दुई गोल गरे। साथै प्रह्लाद राजभर, करण गौतम र रोमित पालले पनि गोल गर्दै भारतको ठूलो जितमा योगदान दिए।

भारतीय सब-जुनियर महिला टोलीले आफ्नो दोस्रो एलिट पुल खेलमा चिनसँग 2-2 को बराबरी गरेको छ। चौथो मिनेटमा चेन गेले चिनलाई अग्रता दिलाइन्। नौसिन नाजले 16औँ र 17औँ मिनेटमा लगातार दुई गोल गर्दै भारतलाई अग्रता दिलाइन्। तर, 19औँ मिनेटमा जियाक्सिन गुओले बराबरीको गोल गर्दै खेल बराबरीमा पुऱ्यायो।

दिनको दोस्रो खेलमा भारतीय महिला टोलीले उज्बेकिस्तानलाई 16-0 ले पराजित गरेको थियो। नौसिन नाजले चार गोल गरिन् भने सन्दिपा कुमारी र कप्तान स्वीटी कुजुरले ह्याट्रिक गरे। यसरी नै दीया र पुष्पा मञ्झीले दुई-दुई तथा किरण एक्का र नीलम टोप्नोले एक-एक गोल गरे।

यो प्रतियोगिता पहिलो एफआईएच अन्डर-18 युथ हक्की5एस विश्वकपका लागि एसियाली क्वालिफायर पनि हो। भारतीय पुरुष र महिला दुवै टोली अहिलेसम्म प्रतियोगितामा अपराजित छन् र विश्वकप स्थानका लागि बलियो दावेदार देखिन्छन्।

हिन्दुस्थान समाचार / बिशाल