नयाँ दिल्ली, 22 जुलाई (हि.स.)। केन्द्रिय आयुष राज्यमन्त्री (स्वतन्त्र प्रभार) तथा स्वास्थ्य एवं परिवार कल्याण राज्यमन्त्री प्रतापराव जाधवले रक्षा मन्त्री सिंहलाई पत्र लेखेर देशका सबै सैन्य तथा फील्ड अस्पतालहरूमा आयुष ओपीडी र आयुष आधारित उपचार सेवा शुरु गर्ने प्रस्ताव राखेका छन्।
बुधवार लेखिएको पत्रमा प्रतापराव जाधवले सशस्त्र सेनासँग बलियो आधुनिक चिकित्सा प्रणाली भए तापनि आयुर्वेद, योग, युनानी, सिद्ध र होम्योपैथी जस्ता परम्परागत चिकित्सा प्रणालीहरूको समावेशले सैनिकहरूलाई रोकथाम, उपचारात्मक र समग्र स्वास्थ्य सेवामा राम्रो पहुँच प्राप्त गर्न सक्षम बनाउने बताए।
हाल रक्षा मन्त्रालय अन्तर्गतका केही संस्थाहरूमा मात्र आयुष सुविधाहरू छन्, जबकि अधिकांश सैन्य र फिल्ड अस्पतालहरूमा त्यस्ता सेवाहरू छैनन्, उनले भने। उनी अनुसार, आयुष सेवाहरूको विस्तारले सैनिकहरूलाई रोकथाम स्वास्थ्य सेवा, जीवनशैली व्यवस्थापन, पुनर्वास र समग्र स्वास्थ्य सेवामा अझ् प्रभावकारी रूपमा पहुँच गर्न सक्षम बनाउनेछ।
प्रतापराव जाधवले रक्षा मन्त्रालयलाई यो प्रस्तावमाथि विचार गर्न आग्रह गरेका छन्। साथै आयुष मन्त्रालयले यसको कार्यान्वयनका लागि तकनीकी सहयोग, विशेषज्ञ मार्गदर्शन, संस्थागत सहयोग र आवश्यक परेमा समझौता पत्र (एमओयू) प्रस्ताव गरेको छ।
हिन्दुस्थान समाचार / भवानी थामी
26 Jul 2026
