नयाँ दिल्ली, 23 जुलाई (हि.स.)। काङ्ग्रेसका महासचिव जयराम रमेशले प्रधानमन्त्री नरेन्द्र मोदीले देशको शिक्षा प्रणालीलाई बर्बाद गरेको र युवाहरूको भविष्यलाई हानि पुर्याएको आरोप लगाएका छन्। सरकारले शिक्षा प्रणालीको कब्जा र पतनलाई प्रोत्साहित गरेको उनले बताए। विद्यार्थीहरूको मागलाई समर्थन गर्दै उनले केन्द्रिय शिक्षा मन्त्री धर्मेन्द्र प्रधानलाई हटाउन, विद्यार्थीहरूबाट माफी माग्न र विद्यार्थी प्रदर्शनकारीहरूसँग कथित हिंसा गर्नेहरू कारबाही गर्न माग गरे।
जयराम रमेशले एक्समा भनेका छन्, प्रधानमन्त्री मोदीले देशका युवाहरूको भविष्यलाई सबैभन्दा बढ़ी क्षति पुऱ्याएका छन्। सरकारले शिक्षा प्रणालीलाई नष्ट गर्न अनुमति दियो र यसका लागि जिम्मेवारहरूलाई संरक्षण गऱ्यो।
विद्यार्थीहरूको माग स्पष्ट रहेको उनले बताए। पहिलो माग केन्द्रिय शिक्षा मन्त्री धर्मेन्द्र प्रधानलाई पदबाट हटाउने हो। दोस्रो माग भनेको विद्यार्थीहरूसँग माफी माग्नु हो। तेस्रो माग भनेको विद्यार्थीमाथि हिंसा गर्नेहरू विरुद्ध कारबाही गर्नु हो।
बारम्बार पेपर लीक, भर्ती प्रक्रियामा ढिलाइ र शिक्षा प्रणालीमा बढ्दो अनियमितताले करोड़ौं विद्यार्थीहरूलाई असर गरेको उनले बताए। यी मामिलामा जिम्मेवार व्यक्तिहरू विरुद्ध प्रभावकारी कारबाही हुन सकेको छैन र सरकारले विद्यार्थीहरूको चिन्तालाई गम्भीरताका साथ लिइरहेको छैन।
हिन्दुस्थान समाचार / भवानी थामी
26 Jul 2026
