नयाँ दिल्ली, 23 जुलाई (हि.स.)। विपक्षी सांसदहरूले आज संसद परिसरको मकरद्वारमा नीट पेपर लीक र विद्यार्थीहरूमाथि पुलिसको कारबाहीको विरोधमा प्रदर्शन गरेका छन्। विरोध प्रदर्शनमा काङ्ग्रेस अध्यक्ष राहुल गान्धी, युपीए अध्यक्ष सोनिया गान्धी, प्रियङ्का गान्धी सहित पार्टीका महासचिवहरू लगायत पार्टीका वरिष्ठ नेताहरू सामेल भए।
विपक्षी सांसदहरूले लोकतन्त्र मरिरहेको छ भन्ने ठूला पोस्टरहरू बोकेका थिए। यसैबीच यी सांसदहरूले 'धर्मेन्द्र प्रधान राजीनामा दिनुहोस्' भन्ने नारा लगाए। काङ्ग्रेस सांसद केसी वेणुगोपालले एक्समा लेखेका छन् कि विपक्षी सांसदहरू एकजुट भएर देशका युवाहरूका लागि लड़िरहेका छन्। भाजपा पूर्ण आतङ्कमा रहेको र आफ्नो छवि बचाउन झूट र धम्कीको सहारा लिइरहेको उनले बताए। केन्द्रिय शिक्षा मन्त्री धर्मेन्द्र प्रधानको राजीनामाबाट शुरु गरेर विपक्षीहरू आफ्ना मूल मागहरूबाट पछि हट्ने छैनन्।
माकपा सांसद जोन ब्रिटासले संसद परिसरमा विपक्षीको विरोध संसदमा मात्र सीमित नभई सड़कमा पनि जारी रहने बताए। विपक्षी दल धर्मेन्द्र प्रधानको राजीनामा मागमा अडिग रहेको र एक इन्च पनि पछि हट्ने छैन भनी उनले बताए।
हिन्दुस्थान समाचार / भवानी थामी
26 Jul 2026
