साम्बा, 25 जुलाई (हि.स.)। जम्मू-कश्मीरको साम्बा र कठुआ जिल्लामा अन्तरराष्ट्रिय सीमा नजिकै संदिग्ध पाकिस्तानी ड्रोन देखिएपछि सुरक्षा बलले ठूलो खोजी अभियान शुरु गरेको छ।
साम्बाको विजयपुर क्षेत्रको टैरोर गाउँमा शुक्रवार राति पाकिस्तानी ड्रोन हुनसक्ने शङ्कास्पद वस्तु सेनाका जवानहरूले हावामा देखेको अधिकारीहरूले बताए। यसपछि एन्टी-ड्रोन उपायहरू शुरु गरियो। ड्रोन पाकिस्तानमा फिर्ता गएको अनुमान गरिएको छ, उनीहरूले भने।
यसैगरी शुक्रवार साँझ कठुआ जिल्लाको हिरानगर सेक्टरको चक नालुआ गाउँमा पनि केही समयका लागि संदिग्ध ड्रोन घुमिरहेको देखिएको अधिकारीहरूले बताए। सुरक्षा बलले ड्रोन गतिविधिको कुनै पनि सम्भावित पेलोड वा प्रमाण पत्ता लगाउन दुवै साइटहरूमा व्यापक खोजी अभियान चलाएको छ। अधिकारीहरूले बारम्बार ड्रोन गतिविधिहरूलाई ध्यानमा राख्दै सीमा नजिकै निगरानी बढ़ाएको बताएका छन्।
हिन्दुस्थान समाचार / भवानी थामी
26 Jul 2026
