नयाँ दिल्ली, 25 जुलाई (हि.स.)। उपराष्ट्रपति एवं राज्यसभाका अध्यक्ष सीपी राधाकृष्णनले स्वस्थ बहसले लोकतन्त्रलाई बलियो बनाउँछ भने रचनात्मक सहयोगले देशलाई अगाड़ी लैजाने बताएका छन्।
उपराष्ट्रपतिले आज राज्यसभाका नवनिर्वाचित र मनोनीत सदस्यहरूका लागि दुई दिने ओरिएन्टेशन-सह-प्रशिक्षण कार्यक्रमको उद्घाटन सत्रलाई सम्बोधन गरिरहेका थिए।
सदस्यहरूको दृष्टिकोण र जिम्मेवारीलाई रेखाङ्कित गर्दै उपराष्ट्रपतिले बहस, छलफल वा अवरोध पनि सधैँ निर्णयमा परिणत हुने बताए। सदनमा बिताएको हरेक दिन, हरेक घण्टा, हरेक मिनेट र हरेक सेकेन्ड लोकतन्त्रलाई बलियो बनाउन प्रयोग गर्नुपर्छ।
अध्यक्षले सदनको नियम र प्रक्रियालाई सम्मान गर्दै र प्रश्नकाल र शून्यकालको प्रभावकारी उपयोग गर्दै सूचित बहसमा संलग्न भएर सदनको उच्च परम्परालाई कायम राख्न सदस्यहरूलाई आग्रह गरे।
सो अवसरमा राज्यसभाका उपसभापति हरिवंश पनि उपस्थित थिए।
हिन्दुस्थान समाचार / भवानी थामी
26 Jul 2026
