कोलकाता, 25 जुलाई (हि.स.)। पश्चिम बङ्गालको धर्मतलाको डोरिना क्रसिङमा शुक्रवार युनाइटेड कक्रोच मार्चको ब्यानरमा भएको प्रदर्शनका क्रममा भएको हिंसाको सम्बन्धमा कोलकाता पुलिसले कूल सात वटा एफआइआर दर्ता गरेको छ। तीमध्ये 6 वटा मीडिया कर्मीको उजुरीको आधारमा र एउटा स्वतः संज्ञान लिएर दर्ता गरिएको छ। शनिवार विधानसभामा घटनाको जानकारी दिँदै मुख्यमन्त्री सुभेन्दु अधिकारीले सञ्चारकर्मीमाथि भएको आक्रमणको कड़ा निन्दा गर्दै अहिलेसम्म 70 जना उपद्रवीको पहिचान भएको बताए।

मुख्यमन्त्रीले प्रारम्भिक अनुसन्धानमा एक विशेष समुदायका कुख्यात अपराधीको संलग्नताको खुलासा भएको बताए। उनले विधानसभामा त्यस्ता चार अभियुक्तको नाम पनि बताएका छन्। मुख्यमन्त्रीले सबै अभियुक्तमाथि विधानसभाले हालै पारित गरेको जनसुरक्षा एक्टको गम्भीर धारामा आरोप लगाइने स्पष्ट पारे। सरकारले कुनै पनि मूल्यमा उपद्रव र हिंसालाई बर्दाश्त नगर्ने र दोषीलाई यस्तो सजाय दिनेछ जुन आउँदो तीन पुस्ताले सम्झनेछन्।

मुख्यमन्त्री सुभेन्दु अधिकारीले लोकतान्त्रिक व्यवस्थामा प्रत्येक नागरिकलाई शान्तिपूर्ण रूपमा विरोध गर्ने अधिकार रहेको बताए। यस सिद्धान्त अन्तर्गत पुलिसले प्रदर्शनका लागि अनुमति दिएको थियो। कुनै पनि परिस्थितिमा बल प्रयोग नगर्न राज्य सरकारले पुलिसलाई स्पष्ट निर्देश दिएको उनले बताए। सम्पूर्ण अवस्थालाई निगरानीमा राखिएको थियो। प्रदर्शनकारीहरूले निरन्तर पुलिसलाई भड्काउने प्रयास गरे, तर पुलिसले संयम राखे र कुनै उक्साहटमा परेनन्।

मुख्यमन्त्रीले आरोप लगाए कि जब प्रदर्शनकारीहरू पुलिसलाई भड्काउन सफल भएनन्, तिनीहरूले योजनाबद्ध तरिकाले मीडियाका कर्मचारीहरूलाई लक्षित गरे। आक्रमणमा 6 जना सञ्चारकर्मी गम्भीर घाइते भएका छन्। ती सबैको सरकारी अस्पतालमा उपचार गरिएको छ र उनीहरूको उजुरीको आधारमा एफआइआर पनि दर्ता गरिएको छ।

पत्रकारहरूमाथि भएको आक्रमणको कड़ा निन्दा गर्दै मुख्यमन्त्रीले यस घटनाको विरोधमा विधानसभाको दोस्रो सत्र शुरु हुनुअघि भाजपाका विधायकहरूले डा. भीमराव अम्बेडकरको मूर्ति अगाड़ी कालो पट्टी बाँधेर विरोध प्रदर्शन गर्ने घोषणा गरे।

पुलिसको स्वतः संज्ञान एफआइआर अनुसार, शुक्रवार दिउँसो 2 बजीतिर विभिन्न राजनीतिक र विद्यार्थी-युवा सङ्गठनहरूको नेतृत्वमा ठूलो सङ्ख्यामा मानिसहरू डोरिना क्रसिंगमा भेला भएका थिए। यो जमघट पुलिसको अनुमतिबिना भएको आरोप लगाइएको छ। प्राथमिकीमा एआइडिएसओ, एआइडिवाइओ, सिपिआइ (एमएल), डिवाइएफआइ, एआइएसए, पिडिएसएफ, एएफएसए, डिएसएफ, आइएसयु र एपिडिआर लगायत थुप्रै सङ्गठनहरूको उल्लेख गरिएको छ।

प्रदर्शनका क्रममा लाउडस्पीकर मार्फत भड्काउने भाषण गरिएको र समर्थकहरूलाई सम्पूर्ण डोरिना क्रसिंग कब्जा गर्न उक्साएको पुलिसले आरोप लगाएको छ। भीड़लाई अवैध घोषणा गरी क्षेत्र खाली गर्न र शान्ति कायम गर्न पुलिसले बारम्बार अपील गरेको थियो, तर प्रदर्शनकारीहरूले निर्देश पालन गरेनन्।

त्यसपछि भीड़ले पुलिस, सञ्चारकर्मी र साधारण यात्रुहरूमा पानीको बोतल, जुत्ता, लाठी र ढुङ्गा हाने, जसमा धेरै पुलिसहरू घाइते भए, एफआइआरमा भनियो। ठूलो सङ्ख्यामा प्रदर्शनकारीहरू भए तापनि सेनाले संयम अपनाएर स्थिति नियन्त्रण गरेको र प्रदर्शनलाई तोकिएको क्षेत्रमा सीमित गरेको पुलिसले दाबी गरेको छ। घटनाका कारण लामो समयसम्म यातायात र जनजीवन प्रभावित भएको थियो। साँझ 7ः15 बजीतिर प्रदर्शनकारीहरू क्षेत्र छोड़ेर गए।

यस सम्बन्धमा हेयर स्ट्रिट पुलिस स्टेशनमा विभिन्न धारा अन्तर्गत अज्ञात व्यक्तिहरू विरुद्ध मुद्दा दर्ता गरिएको छ। पुलिसले यस मामिलामा अनुसन्धान भइरहेको र अभियुक्तलाई चाँड़ै पक्राउ गरिने बताएको छ।

हिन्दुस्थान समाचार / भवानी थामी