नयाँ दिल्ली, 26 जुलाई (हि.स.)।कृतज्ञ राष्ट्रले आज कारगिल विजय दिवसमा बहादुर सैनिकहरूलाई नमन गरिरहेको छ। यस वर्ष मुख्य कार्यक्रम नयाँ दिल्लीको सट्टा लद्दाखको द्रासमा रहेको कारगिल युद्ध स्मारकमा आयोजना गरिएको छ। यस दिनको पूर्वसन्ध्यामा रक्षामन्त्री राजनाथ सिंहले द्रास पुगेर भारतीय सेनाका बहादुर सैनिकहरूलाई श्रद्धाञ्जलि अर्पण गरे। उपराष्ट्रपति सीपी राधाकृष्णन, केन्द्रिय गृह तथा सहकारिता मन्त्री अमित शाह र जम्मू-कश्मीरका लेफ्टिनेन्ट गभर्नर मनोज सिन्हाले आज बिहान आफ्नो एक्स पोस्टमा भारतीय सशस्त्र बलका बहादुर सैनिकहरूलाई श्रद्धाञ्जलि अर्पण गरे।

उपराष्ट्रपति राधाकृष्णनले लेखेका छन्, कारगिल विजय दिवसमा राष्ट्रले भारतीय सशस्त्र सेनाका बहादुर सैनिकहरूलाई श्रद्धाञ्जलि अर्पण गर्दछ, जसको असाधारण साहस, अटुट संकल्प र सर्वोच्च बलिदानले कारगिल युद्धमा भारतको ऐतिहासिक विजय ल्यायो र हाम्रो देशको सार्वभौमिकता र क्षेत्रीय अखण्डतालाई कायम राख्यो। यो विजय भारतको सैन्य शक्ति, राष्ट्रिय एकता र आफ्नो मातृभूमिको हरेक इन्चको रक्षा गर्ने अटुट संकल्पको प्रमाण हो। राष्ट्र हाम्रा बहादुर सैनिकहरू र उनीहरूका परिवारहरूप्रति सधैँ आभारी रहनेछ। जय हिन्द

केन्द्रिय गृहमन्त्री शाहले लेखेका छन्, कारगिल विजय दिवस भारतीय सेनाको अदम्य वीरता र अद्भुत पराक्रमको प्रतीक हो। सन् 1999 मा, हिमालयको दुर्गम हिउँले ढाकिएको चुचुरामा, प्रतिकूल परिस्थिति र शत्रुको उच्च उचाई मोर्चाका बावजुद हाम्रा बहादुर सैनिकहरूले अपरेसन विजयको माध्यमबाट दुश्मनलाई घुँडा टेकाए। कारगिल विजय दिवसमा देशको अखण्डता अक्षुण्ण राख्न सर्वोच्च बलिदान दिने सबै बहादुर छोराहरूलाई सम्झँदै र सलाम गर्दछु।'

जम्मू-कश्मीरका लेफ्टिनेन्ट गभर्नर मनोज सिन्हाले लेखेका छन्, कारगिल विजय दिवसमा म अपरेसन विजयको क्रममा माँ भारतीको सार्वभौमिकता र सम्मानको रक्षा गर्न सर्वोच्च बलिदान दिने शहीदहरूलाई नमन गर्दछु। हाम्रा सशस्त्र बलहरूको असाधारण साहसले सधैँ आउँदो पुस्ताहरूलाई प्रेरित गर्नेछ। म शहीद नायकहरूको परिवारलाई पनि गहिरो सम्मान व्यक्त गर्दछु। तिनीहरूको निःस्वार्थ समर्पण हाम्रो सर्वोच्च राष्ट्रिय गौरवको स्थायी प्रतीक हो।

उल्लेखनीय कुरा के छ भने यस वर्ष कारगिल विजय दिवसको मुख्य कार्यक्रम नयाँ दिल्लीको सट्टा लद्दाखको द्रासमा रहेको कारगिल युद्ध स्मारकमा आयोजना गरिएको छ। कार्यक्रमको पूर्वसन्ध्यामा रक्षामन्त्री राजनाथ सिंह द्रास पुगे र शहीदहरूलाई श्रद्धाञ्जलि दिए। यो युद्ध मई 1999 देखि 26 जुलाई, 1999 सम्म लगभग 60 दिनसम्म चलेको थियो।

चिसो मौसममा घुसपैठ पत्ता लागेपछि भारतीय सेनाले अपरेसन विजय शुरु गऱ्यो र भारतीय वायुसेनाले अपरेसन सफेद सागर शुरु गऱ्यो। दुर्गम पाहाड र शून्य तापक्रम जस्ता चुनौतिहरूको सामना गर्दै, भारतीय सेनाले पाकिस्तानी कब्जाबाट तोलोलिङ, टाइगर हिल र प्वाइन्ट 4875 जस्ता महत्त्वपूर्ण चुचुराहरू फिर्ता लिए। भारतीय सेनाको अदम्य साहस र वीरता पछि राष्ट्रले 26 जुलाई, 1999 मा सबै गुमाएका चौकीहरू पुनः कब्जा गऱ्यो। कारगिल विजय दिवस प्रत्येक वर्ष 26 जुलाईमा यस विजयको सम्झनामा मनाइन्छ।

--------

हिन्दुस्थान समाचार / भवानी थामी