नयाँ दिल्ली, 26 जुलाई (हि.स.)। प्रधानमन्त्री नरेन्द्र मोदीले 'मन की बात' कार्यक्रममा विज्ञान, नवाचार, खेलकुद र राष्ट्रिय सुरक्षामा भारतको उपलब्धिहरूको उल्लेख गरे र कारगिल विजय दिवसमा बहादुर सैनिकहरूको साहस र बलिदानलाई सलाम गरे।

मन की बातको 136औँ एपिसोडमा प्रधानमन्त्रीले विक्रम-1 को सफल प्रक्षेपण र अन्तरराष्ट्रिय विज्ञान ओलम्पियाडमा भारतीय विद्यार्थीहरूको उत्कृष्ट प्रदर्शनको प्रशंसा गरे। उनले खेलकुदमा भारतीय खेलाड़ीहरूको उपलब्धिहरू देशका लागि प्रेरणादायी भएको बताए। उनले केरलामा संस्कृत शिक्षालाई फुटबलसँग मिलाउने अनौठो पहलको उल्लेख गरे।

प्रधानमन्त्री मोदीले भारत रक्षा क्षेत्रमा आत्मनिर्भर हुँदै विश्वव्यापी रक्षा साझेदारका रूपमा उदाउँदै गएको बताए। उनले 'क्याच द रेन' अभियानमा बढ्दो जनसहभागिताको पनि प्रशंसा गरे।

उत्तर प्रदेशका स्वसहायता समूहका महिलाहरूद्वारा बनाइने हर्बल चिया आत्मनिर्भरताको प्रतीक बन्दै गएको प्रधानमन्त्री मोदीले बताए। उनले देशभरि प्रकृति संरक्षण र जैविक विविधता संरक्षणका लागि जनताको सामूहिक सहभागिता र प्रेरणादायी प्रयासको पनि प्रशंसा गरे।

हिन्दुस्थान समाचार / भवानी थामी