नयाँ दिल्ली, 29 जुलाई (हि.स.)। समाजवादी पार्टी (सपा) का सांसदहरूले बुधवार संसद भवन परिसरमा राम मन्दिरमा कथित चन्दा चोरीको आरोप लगाउँदै विरोध प्रदर्शन गरेका छन्। समाजवादी पार्टीका सांसदहरूले हातमा दानपेटी र पोस्टर लिएर केन्द्र सरकार विरुद्ध नारा लगाउँदै गरेको देखिए।

विरोध प्रदर्शनमा सपा प्रमुख अखिलेश यादव, सांसद डिम्पल यादव र पार्टीका अन्य सांसदहरू उपस्थित थिए। मन्दिरमा भक्तहरूले गरेको दानको सुरक्षा सुनिश्चित गर्न सरकार असफल भएको सपा नेताहरूले आरोप लगाए।

अखिलेश यादवले मन्दिरको दानपेटीको रक्षा गर्न नसक्ने सरकारले देश र युवाहरूको भविष्यको रक्षा कसरी गर्ने भनी बताए। उनले सम्पूर्ण मामिलाको निष्पक्ष जाँच र जिम्मेवारहरू विरुद्ध कारबाही गर्दै जवाफदेहिता तय गर्न माग गरे।

हिन्दुस्थान समाचार / भवानी थामी