नयाँ दिल्ली, 29 जुलाई (हि.स.)। राष्ट्रिय मानव अधिकार आयोग (एनएचआरसी) ले असमको कछार जिल्लाको धातु प्रशोधन कारखानामा भएको विस्फोटमा चार मजदुरको मृत्यु भएको र अन्य दुई जना गम्भीर घाइते भएको घटनामा स्वतः संज्ञान लिएको छ। आयोगले असमका मुख्य सचिव र कछारका पुलिस अधीक्षकलाई नोटिस जारी गरी दुई हप्ताभित्र विस्तृत रिपोर्ट मागेको छ।

आयोगले घाइतेको स्वास्थ्य अवस्था र मृतकहरू र घाइते मजदुरको आफन्तलाई दिइएको क्षतिपूर्तिको विवरण रिपोर्टमा समावेश गर्नुपर्ने बताएको छ। मीडिया रिपोर्ट अनुसार, 26 जुलाईमा कारखानामा भएको विस्फोटपछि पघलिएको धातु मजदुरहरूमा खस्यो, जसमा चार जनाको मृत्यु भयो र दुई जना गम्भीर घाइते भए। दुर्घटनाको समय कारखानामा 100 भन्दा बढ़ी कामदारहरू उपस्थित थिए।

स्थानीय तथा मृतकका परिवारहरूले विगतमा पनि कारखानामा यस्तै घटना भएको आरोप लगाएका छन्। आयोगले भने कि यदि मीडिया रिपोर्टहरू सत्य हो भने यो गम्भीर मानव अधिकार उल्लङ्घनको मामला हो।

हिन्दुस्थान समाचार / भवानी थामी