नयाँ दिल्ली, 30 जुलाई (हि.स.)।भारतीय जनता पार्टी (भाजपा) शासित तीन राज्य गुजरात, बिहार र मध्य प्रदेशमा उपचुनाउका लागि आज बिहान 7 बजी मतदान शुरु भयो। यसमा बिहारको बाँकीपुर, मध्य प्रदेशको दतिया र गुजरातको मन्जलपुर समावेश छन्। अप्रेलमा भारतीय जनता पार्टीका राष्ट्रिय अध्यक्ष नितिन नवीन राज्यसभामा निर्वाचित भएपछि बाँकीपुर सिट खाली भएको थियो। बाँकीपुरलाई भारतीय जनता पार्टीको गढ़ मानिन्छ। तिनै सिटको नतिजा अगस्त 3 मा आउने छ।

काङ्ग्रेस विधायक राजेन्द्र भारती दोषी ठहरिएपछि दतिया सिट खाली भएको थियो। सजायका कारण अप्रेलमा उनको सभाको सदस्यता समाप्त भएको थियो। भाजपाका आठ पटकका विधायक तथा पूर्वमन्त्री योगेश पटेलको निधनका कारण मन्जलपुरमा उपचुनाउ भइरहेको छ। लामो रोगपछि 2 जूनमा उनको निधन भयो। सन् 2008 मा परिसीमनपछि अस्तित्वमा आएको मन्जलपुर सिटमा सधैँ भाजपाको प्रभुत्व रहेको छ।

दतियामा भाजपाका उम्मेदवार आशुतोष तिवारी र काङ्ग्रेसका घनश्याम सिंहबीच प्रतिस्पर्धा छ। बाँकीपुरमा भाजपाका नीरज कुमार सिन्हा चुनावी मैदानमा छन्। जनसुराजबाट प्रशान्त किशोर र राजदबाट रेखा गुप्ताले पनि आफ्नो भाग्य आजमाइरहेका छन्। भाजपाले मन्जलपुरबाट सतीश पटेललाई मैदानमा उतारेको छ। काङ्ग्रेसले भिखाभाई रबारीलाई टिकट दिएको छ। निर्वाचन आयोगले सबै मतदान केन्द्रमा इलेक्ट्रोनिक भोटिं मेसिन (ईभीएम) र भीभीप्याटको व्यवस्था गरेको छ।

--------

हिन्दुस्थान समाचार / भवानी थामी