नयाँ दिल्ली, 30 जुलाई (हि.स.)। लोकसभा र राज्यसभा बिहिवार दिउँसो 2 बजीसम्मका लागि स्थगित गरिएपछि प्रधानमन्त्री नरेन्द्र मोदीको अध्यक्षतामा संसद भवनमा वरिष्ठ मन्त्रीहरूको महत्त्वपूर्ण बैठक चलिरहेको छ। जसमा संसदीय रणनीति र आगामी विधायी एजेन्डाबारे छलफल भइरहेको छ।
बैठकमा केन्द्रिय मन्त्री पियुष गोयल, निर्मला सीतारमन, किरेन रिजिजु, जेपी नड्डा र रक्षामन्त्री राजनाथ सिंह उपस्थित रहेको सूत्रहरूले बताएका छन्। यस बाहेक सरकारका अन्य धेरै वरिष्ठ मन्त्रीहरू पनि बैठकमा सामेल छन्। बैठकको मुख्य एजेन्डा संसदको सुचारु कार्यका लागि रणनीति तय गर्नु र महत्त्वपूर्ण विधायी कार्यलाई अगाड़ी बढ़ाउनु हो।
उल्लेखनीय कुरा के छ भने विपक्षको निरन्तर नारा र विरोधका कारण मनसून सत्र अवरुद्ध भइरहेको छ। बिहिवार पनि विपक्षी दलहरूले प्रश्नपत्र लीक र विद्यार्थीहरूमाथि पुलिसको कारबाहीको मुद्दामा सरकारलाई घेरेर सदनमा हल्ला गरे। विपक्षले प्रधानमन्त्री र गृहमन्त्रीको उपस्थितिको माग गरे, जसले गर्दा दुवै सदन दिउँसोसम्मका लागि स्थगित गरियो।
बैठकमा संसदीय रणनीतिका साथै विपक्षको विरोधलाई प्रतिरोध गर्ने र विधेयकहरू पारित गर्ने योजनामा छलफल भइरहेको छ। बैठकपछि केही महत्त्वपूर्ण निर्णय हुने अपेक्षा गरिएको छ।
हिन्दुस्थान समाचार / भवानी थामी
01 Aug 2026
