नयाँ दिल्ली, 31 जुलाई (हि.स.)। प्रदर्शनकारी विद्यार्थीहरूमाथि पुलिसको कारबाही र राम मन्दिरको भेटी चोरी प्रकरणमा विपक्षी दलका सदस्यहरूले हंगामा गरेपछि लोकसभा शुक्रवार सोमवारसम्मका लागि स्थगित गरिएको छ।

विद्यार्थीहरूमाथि पुलिसको कारबाहीलाई लिएर विपक्षहरूले केन्द्र सरकारलाई निरन्तर आक्रमण गर्दै आएका छन्। लोकसभा र राज्यसभामा शुक्रवार सत्तापक्ष र विपक्षी दलहरूबीच गतिरोध जारी रह्यो। राज्यसभापछि विपक्षीको हङ्गामाका कारण लोकसभा पनि 3 अगस्त बिहान 11 बजीसम्मका लागि स्थगित गरियो। लोकसभाको कारबाही एक पटकका लागि स्थगित भएपछि दिनभरिका लागि स्थगित गरिएको छ।

यसअघि आज लोकसभामा विपक्षी सांसदहरूको हल्ला जारी रह्यो। यसकारण कारबाही शुरु हुने बित्तिकै सदन 12 बजीसम्मका लागि स्थगित गरिएको थियो। सदन पुनः शुरू भएपछि भएको कोलाहलबीच लोकसभाले जन्म र मृत्युको पञ्जीकरण सम्बन्धी कानूनमा संशोधन गर्ने विधेयक बिना छलफल पारित गरेको छ।

हिन्दुस्थान समाचार / भवानी थामी