मस्को, 0८ जुलाई (हि.स.)। अमेरिकी सैन्य हमलापछि इरानी संसदका सभामुख मोहम्मद बाघेरी गालिबाफले बुधबार धम्की, दबाउ र ब्ल्याकमेलबाट कुनै परिणाम ननिस्कने भन्दै इरान कुनै पनि हालतमा नझुक्ने बताएका छन्।
बुधबार राति अमेरिकी सेनाले इरानका विभिन्न स्थानमा व्यापक हवाई आक्रमण गरेको थियो। अमेरिकी सेन्ट्रल कमाण्ड (सेन्टकम) ले यी आक्रमण होर्मुज जलडमरूमध्य हुँदै आवतजावत गर्ने व्यापारिक जहाजहरूमाथि इरानले गरेको भनिएको कारबाहीको जवाफस्वरूप गरिएको दाबी गरेको छ।
यी हमलाबारे सामाजिक सञ्जाल एक्समा प्रतिक्रिया दिँदै गालिबाफले लेखेका छन्, धाकधम्की र जबर्जस्तीको युग समाप्त भइसकेको छ। यसबाट केही हासिल हुँदैन। हामी कहिल्यै झुक्ने छैनौं।
उनले अमेरिका विरुद्ध दुवै पक्षबीच जून १८ मा हस्ताक्षर भएको समझदारी पत्र (एमओयू) को पटक-पटक गम्भीर उल्लङ्घन गरेको आरोप पनि लगाए। उनका अनुसार, उल्लङ्घनहरूमा होर्मुज जलडमरूमध्यबाट जहाज आवतजावतका लागि इरानले तय गरेको व्यवस्थाको अवहेलना, नयाँ सैन्य आक्रमणको निरन्तर धम्की, इरानको तेलमाथि पुनः प्रतिबन्ध लगाइनु, दक्षिणी इरानमा गरिएको हमला तथा लेबनानविरुद्ध इजरायलको निरन्तर आक्रामक कारबाहीमा अमेरिकी समर्थन समावेश छन्।
हिन्दुस्थान समाचार / बिशाल
13 Jul 2026
