राँची, 10 अगस्त (हि.स.)। झारखण्डमा जेपीएससी र जेएसएससी परीक्षामा भएको कथित अनियमितताको विरोधमा विद्यार्थीहरूको विधानसभा घेराव सोमवार उग्र भयो। ठूलो सङ्ख्यामा विद्यार्थीहरूले हातमा त्रिरङ्गा, पोस्टर र ब्यानर लिएर नयाँ विधानसभातिर पदयात्रा गरे। प्रशासनले विद्यार्थीहरूलाई रोक्नका लागि पुरानो सभा नजिकै धेरै तहमा अवरोध गरेको थियो तर प्रदर्शनकारीहरूले अवरोध तोड्दै हिँड्न जारी राखे। विद्यार्थीहरूले चौथो ब्यारिकेडिङ पनि पार गरेर विधानसभादेखि लगभग 100 मिटरको दुरीमा पुगे।

स्थिति नियन्त्रण गर्ने प्रयास गर्दा पुलिस र प्रदर्शनकारीबीच झड़प भयो। प्रदर्शनकारीहरूले पुलिसमाथि ढुङ्गा प्रहार गरे, जसमा एक जना पुलिस घाइते भएको बताइएको छ। त्यसपछि भीड़लाई तितरबितर गर्न पुलिसले लाठीचार्ज गऱ्यो। प्रशासनले प्रदर्शनकारीलाई रोक्न वाटर क्यानन पनि प्रयोग गरेको छ। तर यसले विद्यार्थीहरूलाई अगाड़ी बढ्नबाट रोकेको छैन। धेरै ठाउँमा प्रदर्शनकारीहरूले ब्यारिकेडिङ हटाएर अगाड़ी बढ़े।

धरणामा बसेका झारखण्ड लोकतान्त्रिक क्रान्तिकारी मोर्चाका विधायक जयराम महतो पनि विद्यार्थीहरूसँगै विधानसभा नजिक पुगे। उनले प्रदर्शनकारीहरूलाई त्यहाँ बस्न र विधानसभा गेट नजिक नजान आग्रह गरे। जयराम महतोले विद्यार्थीहरूलाई शान्तिपूर्ण तरिकाले आफ्ना मागहरू राख्न र संयम कायम गर्न अपील गरे।

जेपीएससी-जेएसएससी सुधार मार्च प्रतिनिधिमण्डलले पनि विद्यार्थीहरूलाई शान्तिपूर्ण रूपमा प्रदर्शन गर्न निरन्तर आग्रह गरेको छ। प्रतिनिधिमण्डलले विद्यार्थीहरूलाई आन्दोलनका क्रममा कुनै पनि अप्रिय परिस्थितिबाट बच्न संयम अपनाउन र विधानसभातिर नजाने आग्रह गरेको छ।

प्रशासनले मुख्य सड़कमा अवरोध बनाएर विद्यार्थीहरूलाई रोक्ने प्रयास गऱ्यो, तर ठूलो सङ्ख्यामा प्रदर्शनकारीहरू कच्चा र पहाड़ी बाटो हुँदै हिँड़े। धेरै विद्यार्थी जगन्नाथ मन्दिरमा पुगे। केही प्रदर्शनकारीहरूले पुलिसको ब्यारिकेड पार गर्नुको सट्टा वैकल्पिक मार्गहरू प्रयोग गरे र सभातिर अघि बढ्न जारी राखे।

धेरै ठाउँमा विद्यार्थीहरूले ब्यारिकेडिङ हटाए। बढ्दो भीड़ले रिफर्म मार्च प्रतिनिधिमण्डललाई पनि प्रदर्शनकारीहरूलाई नियन्त्रण गर्न गाह्रो बनायो। प्रशासनले प्रतिनिधिमण्डललाई विद्यार्थीहरूलाई विधानसभातर्फ जानबाट रोक्न सहयोग गर्न पनि आग्रह गरेको छ।

विधानसभा घेरावका क्रममा प्रदर्शनकारीहरूको दृष्टिकोण पनि फरक थियो। केही विद्यार्थीहरूले स्पाइडरम्यान र वनमानुषको प्रतिरूप बनाएर प्रदर्शनमा सामेल भए। तिनीहरूमा विभिन्न सन्देशहरू लेखिएका पोस्टरहरू थिए। यसैबीच केही प्रदर्शनकारीले फिल्म 'पुष्पा' को चरित्रको झलक पनि दिएका छन्।

आन्दोलनका क्रममा भोक हड़तालमा रहेका विद्यार्थी नेता देबेन्द्रनाथ महतो पनि पालकीमा बसेर विरोध स्थलमा पुगे। उनको उपस्थितिले प्रदर्शनकारीहरूमा उत्साह भरियो। जेपीएससी र जेएसएससी परीक्षामा अनियमितता भएको भन्दै विद्यार्थीहरूले लामो समयदेखि आन्दोलन गर्दै आएका छन्।

रिफर्म मार्च प्रतिनिधिमण्डलले भीड़मा कुनै असामाजिक तत्त्व देखापरेमा तुरुन्तै प्रतिनिधिमण्डललाई सूचित गर्न प्रदर्शनकारीहरूलाई अपील गरेको छ। शान्तिपूर्ण रूपमा आन्दोलन जारी राख्नका लागि त्यस्ता व्यक्तिहरूलाई पुलिसलाई सुम्पिने प्रतिनिधिमण्डलले जनाएको छ।

प्रतिनिधिमण्डलले जगन्नाथपुर मन्दिरमा पदयात्रा गरी त्यहाँ धरना दिने विद्यार्थीहरूलाई बताए। तर ठूलो सङ्ख्यामा विद्यार्थीहरूले विधानसभातिर पदयात्रा जारी राखे र ब्यारिकेडिङ तोड़ेपछि घटनास्थलमा तनाव व्याप्त छ। प्रशासनले प्रदर्शनकारीहरूलाई विधानसभा गेटसम्म पुग्नबाट रोक्ने प्रयास गरिरहेको छ भने विद्यार्थीहरू आफ्ना मागहरू अगाड़ी बढ़ाउन अडिग छन्।

हिन्दुस्थान समाचार / भवानी थामी