मेदिनीपुर, 10 अगस्त (हि.स.)। पश्चिम मेदिनीपुर जिल्लाको केशपुरमा माकपाको शहीद स्मरणसभालाई लिएर भाजपा र माकपाबीच आरोप-प्रत्यारोपको सिलसिला तीव्र भएको छ। माकपाले आरोप लगाएको छ, शहीद स्मरणसभामा मानिसहरूको भीड़लाई रोक्नको लागि भाजपाले गाउँ-गाउँमा मोटरसाइकल ऱ्याली निकालिरहेको छ। भाजपाले भने उक्त आरोपलाई खारेज गर्दै यसलाई स्वतन्त्र दिवसपूर्व भइरहेको आफ्नो कार्यक्रमको एक भाग बताएको छ।

माकपा अनसार पार्टीका दिवङ्गत नेता जमशेद अलीको पुण्यतिथिमा प्रत्येक वर्ष 10 अगस्तको दिन शहीद स्मरणसभा आयोजना गरिन्छ। यस वर्ष पनि केशपुरको जामशेद अली स्मृति भवनमा कार्यक्रम आयोजना गरिएको छ भने अर्कोतिर भाजपाले यसै दिन केशपुर बजारमा रक्तदान शिविर आयोजना गरेको छ। यी दुई दलका कार्यक्रमहरूको कारणले क्षेत्रमा राजनीतिक खैलाबैला भइरहेको छ।

केशपुर माकपा नेता शुभाशिष पाइनले आरोप लगाए, विधानसभा चुनाउको बेलामा पनि यसरी नै क्षेत्रमा भयको माहोल बनाइएको थियो। उनले दाबी गरे, वर्ष 2011-पछि तृणमूल कङ्ग्रेसमा गएका केही पुराना समर्थकहरू अब फेरि माकपामा फर्किरहेका छन्। गत आठ अगस्तमा जामशेद अली स्मृति भवनमा आयोजित रक्तदान शिविरमा 108 जना मानिसहरूले रक्तदान गरेका थिए। माकपा नेताले थप आरोप लगाए, यसै भीड़लाई देखेर भाजपा डराएको छ जसले गर्दा मानिसहरूलाई प्रभावित पार्नको लागि गाउँ-गाउँंमा मोटरसाइकल ऱ्याली निकालिरहेको छ।

भाजपाले माकपाका आरोपहरूलाई पूर्ण रूपमा खारेज गरेको छ। घाटल सङ्गठनात्मक जिल्ला भाजपाका उपाध्यक्ष अजय प्रधानले गए आइतवार तिरङ्गा यात्रा अवधि भने, भाजपाले लोकतन्त्रमा विश्वास गर्छ अनि प्रत्येक राजनीतिक दललाई सभा तथा ऱ्याली गर्ने अधिकार छ। उनले सबै पक्षसित क्षेत्रमा कुनै पनि प्रकारको विवाद नगर्ने अपील समेत गरे।

हिन्दुस्थान समाचार / उष्णता छेत्री शर्मा