नयाँ दिल्ली, 11 अगस्त (हि.स.)। केन्द्र सरकारले भारतीय प्रशासनिक सेवा (आइएएस) का 6 जना वरिष्ठ अधिकारीहरूको स्थानान्तरण गरेको छ। सोमवार जारी गरिएको आदेशमा केन्द्रिय मन्त्रिमण्डल (एसीसी) को नियुक्ति समितिले मध्य प्रदेश क्याडरकी 1994 ब्याचकी आइएएस अधिकारी पल्लवी जैन गोविललाई कर्पोरेट मामिला मन्त्रालयको सचिवमा नियुक्त गरेको छ। यसैगरी दीप्ति गौर मुखर्जीलाई उच्च शिक्षा विभागको सचिव बनाइएको छ।
केन्द्रिय कार्मिक, लोक शिकायत एवं पेन्नश मन्त्रालयको कार्मिक एवं प्रशिक्षण विभागले जारी गरेको आदेश अनुसार, पल्लवी जैन गोविल हाल युवा मामिला विभागकी सचिव हुन्। उनलाई दीप्ति गौर मुखर्जीको स्थानमा कर्पोरेट मामिला मन्त्रालयको सचिवमा नियुक्त गरिएको छ। तमिलनाडु क्याडरका 1993 ब्याचका आइएएस अधिकारी सुनील पालीवाललाई उनको स्थानमा युवा मामिला विभागको सचिव नियुक्त गरिएको छ। पालीवाल हाल भारतीय अन्तर्देशीय जलमार्ग प्राधिकरण (आइडब्लुएआई) का अध्यक्ष हुन्।
मध्य प्रदेश क्याडरकी 1993 ब्याचकी आइएएस अधिकारी दीप्ति गौर मुखर्जीलाई पनि स्थानान्तरण गरिएको छ। उनलाई शिक्षा मन्त्रालयको उच्च शिक्षा विभागको सचिव बनाइएको छ। उनले विनीत जोशीको स्थान लिनेछिन्। विनीत जोशीलाई पञ्चायती राज मन्त्रालयको सचिवमा नियुक्त गरिएको छ।
ओडिसा क्याडरका 1995-ब्याचका आइएएस अधिकारी सुशील कुमार लोहानीलाई क्याबिनेट सचिवालयमा विशेष कार्य अधिकारी हुँदा भारतीय अन्तर्देशीय जलमार्ग प्राधिकरणको अध्यक्षको रूपमा नियुक्त गरिएको छ। यो पद बन्दरगाह, जहाजरानी तथा जलमार्ग मन्त्रालय अन्तर्गत पर्दछ। उनलाई सचिव स्तरको पद र तलब दिइनेछ। उनका लागि अध्यक्षको पद अस्थायी रूपमा सचिव स्तरमा स्तरोन्नति गरिएको छ।
मध्य प्रदेश क्याडरका 1992 ब्याचका आइएएस अधिकारी वीएल कान्तारावलाई पनि स्थानान्तरण गरिएको छ। उनलाई जल संसाधन, नदी विकास तथा गङ्गा कायाकल्प विभागका सचिवको पदबाट गृह मन्त्रालयको राजभाषा विभागमा विशेष कर्तव्य अधिकृतको पदमा स्थानान्तरण गरिएको छ। उनलाई सचिव स्तरको पद र तलब दिइनेछ। अन्सुली आर्या 30 सेप्टेम्बर 2026 मा सेवानिवृत्त भएपछि उनले राजभाषा विभागका सचिवको पदभार ग्रहण गर्नेछन्।
असम-मेघालय क्याडरकी 1995 ब्याचकी आइएएस अधिकारी अर्चना वर्मालाई जल शक्ति मन्त्रालयको जल संसाधन, नदी विकास र गङ्गा कायाकल्प विभागको सचिव नियुक्त गरिएको छ। उनी वीएल कान्ता रावको उत्तराधिकारी हुनेछिन्। अर्चना वर्मा हाल राष्ट्रिय जल मिशनको मिशन निदेशक हुन्।
हिन्दुस्थान समाचार / भवानी थामी
