इन्दौर, 11 अगस्त (हि.स.)। मध्य प्रदेशको इन्दौर शहरको भागीरथपुरा क्षेत्रमा सोमवार राति एक किराना पसलेलाई उसको साथीले छुरा प्रहार गरी हत्या गरेको छ। दुवैज ना यहाँ भाड़ाको घरमा बस्थे। राति दुवैले संगै बसेर रक्सी पिए, त्यसपछि कुनै कुरालाई लिएर झगड़ा भएको बताइएको छ। चाँड़ै झगडा यति हदसम्म बढ्यो कि साथीले छुरी निकालेर उनलाई आक्रमण गरे। पसल मालिकलाई गम्भीर चोट लागेको थियो। उनका भाइले उनलाई एमवाई अस्पतालमा लगे तर डाक्टरहरूले उनलाई बचाउन सकेनन्।

घटना सोमवार राति बाबा यादवको गल्लीमा भएको हो। पुलिस अनुसार, मृतकको पहिचान लखन सिंह नायकका छोरा राजेश (50) को रूपमा भएको छ। उनी आफ्नो साथी हरिओम पुत्र नाथु बञ्जारासँग भाड़ाको घरमा बस्थे। एसीपी रुबिना मिजवानी अनुसार, रक्सी पिउने क्रममा दुवैबीच कुनै कुरालाई लिएर झगड़ा भयो। झगड़ा बढ्दै जाँदा हरिओमले राजेशलाई छुरीले आक्रमण गरे। आक्रमणमा राजेश गम्भीर घाइते भए। परिवारले घटनाको बारेमा थाहा पाएपछि उनका भाइले तुरुन्तै उनलाई एमवाई अस्पतालमा लगे। उपचारका क्रममा राजेशको मृत्यु भयो।

सूचना पाएपछि पुलिस घटनास्थलमा पुग्यो र सोधपुछ गऱ्यो। घटनापछि अभियुक्त फरार भएको छ। पुलिसले उसको खोजी गरिरहेको छ। अभियुक्त एक वर्षअघि इन्दौर आएको थियो।

राजेश मूल रूपमा कासगञ्ज, उत्तर प्रदेशका थिए। उनी भाँड़ा बेचेर परिवारको जीविकोपार्जन गर्थे। परिवार अनुसार, उनकी पत्नीको लामो समयअघि निधन भएको थियो। लगभग एक वर्षअघि उनी इन्दौर आएका थिए र भागिरथपुरामा भाड़ाको घरमा बस्दै आएका थिए।

हिन्दुस्थान समाचार / भवानी थामी