जबलपुर, 11 अगस्त (हि.स.)। मध्य प्रदेशको जबलपुर रेलवे स्टेशनमा मङ्गलवार बिहान प्लेटफर्म नम्बर 6 मा पार्क गरिएको रेलको एसी कोचमा आगो लाग्यो। सूचना पाएपछि फायर ब्रिगेडको टोलीहरू घटनास्थलमा पुगे र एक घण्टाको प्रयासपछि आगो निभाउन सफल भए।
दुर्घटना बिहान 9ः30 बजीतिर भएको हो। प्लेटफर्म नम्बर 6 मा खड़ा रेलको कोचबाट धुवाँ र आगो निस्किएको देखेर रेलवे अधिकारीहरूलाई सूचना दिइयो। सूचना पाएपछि अधिकारीहरू घटनास्थलमा पुगे र दमकललाई सूचना दिइयो। केही समयपछि फायर ब्रिगेडको टोली घटनास्थलमा पुग्यो र आगो नियन्त्रणमा ल्यायो।
रेलवे अधिकारीहरू अनुसार, आगो लागेको कोच यात्रुहरूका लागि प्रयोग हुँदैन। यो रेलवेद्वारा विभागीय र आन्तरिक कार्यका लागि प्रयोग गरिन्छ। आगलागी हुँदा कोचमा कोही यात्रु थिएनन्।
कोचमा आगलागीको कारण अझै थाहा हुन सकेको छैन, पश्चिम मध्य रेलवे जबलपुर डिभिजनका प्रमुख जनसम्पर्क अधिकारी हर्षित श्रीवास्तवले भने। फायर ब्रिगेडको द्रूत कारबाहीले समयमै आगो निभाइयो। घटनामा कोही घाइते भएको खबर आएको छैन। घटनाको अनुसन्धान गर्न एउटा टोली गठन गरिएको छ। आगलागीको वास्तविक कारण अनुसन्धानपछि मात्र थाहा हुनेछ।
हिन्दुस्थान समाचार / भवानी थामी
