पश्चिम मेदिनीपुर, 11 अगस्त (हि.स.)। बलिदानी क्रान्तिकारी खुदीराम बोसको आत्मबलिदान दिवसमा मङ्गलवार पश्चिम बङ्गालका मुख्यमन्त्री शुभेन्दु अधिकारीले पश्चिम मेदिनीपुर जिल्लाको केशपुर खण्डको मोहबनीस्थित उनको जन्मभूमिमा पुगेर श्रद्धाञ्जली अर्पण गरे। प्रतिकूल मौसम औ हेलिकप्टरमा तकनिकी खराबीको कारणले कोलाघाटसम्म हेलिकप्टर मार्फत पुगेपछि मुख्यमन्त्रीलाई सड़क मार्ग भएर मोहबनी जानुपऱ्यो।

मोहबनी पुगेपछि मुख्यमन्त्रीले बलिदानी खुदीराम बोसको पूर्णाकृति प्रतिमामा माल्यार्पण गरे। त्यसपछि उनले उनको जन्मभूमि औ पूर्ख्यौली आवासको अवलोकन गरी परिवारका सदस्यहरूसित भेटघाट गरे। कार्यक्रममा ठूलो सङ्ख्यामा स्थानीय मानिसहरू, प्रशासनिक अधिकारी औ जनप्रतिनिधिहरू उपस्थित थिए।

यस अवसरमा मुख्यमन्त्रीले खुदिराम बोसको जन्मभूमि औ ऐतिहासिक धरोहरको संरक्षण गर्नका लागि केही महत्वपूर्ण घोषणाहरू गरे। उनले मोहबनी विकास बोर्डलाई पाँच करोड़ रुपियाँको सहायता दिने घोषणा गरे। पूर्ख्यौली घरमा सङ्ग्रहालय औ प्रदर्शनी दीर्घा बनाउनको साथै त्यहाँ लेजर शोको व्यवस्था गरिनेछ। खुदीराम बोस तथा मेदिनीपुरको स्वतन्त्रता सङ्ग्राममा शोध गर्ने मानिसहरूका लागि बस्ने व्यवस्था पनि विकसित गरिनेछ।

मुख्यमन्त्रीले भने, खुदीराम बोस भारतीय स्वतन्त्रता सङ्ग्रामका महान क्रान्तिकारीहरूमध्ये एक थिए।उनको साहस, देशभक्ति एवं राष्ट्रको लागि सर्वोच्च बलिदानले आजको नयाँ पिंढ़ीलाई पनि प्रेरणा दिन्छ। उनले भने, खुदीराम बोस जस्ता महान क्रान्तिकारीलाई पाठ्यक्रमको चार पङ्क्तिमा मात्र सीमित राख्नु उचित होइन।

उनले भने, स्कूलदेखि विश्वविद्यालय स्तरसम्म खुदीराम बोसको जीवन, सङ्घर्ष औ बलिदानको व्यापक अध्ययन गर्नुपर्छ। यसको लागि उनले शिक्षा विभागलाई आवश्यककदम उठाउने अनुरोध गरेका छन्।

मुख्यमन्त्रीले अधिकारीहरूलाई घोषित परियोजनालाई समयबद्ध ढङ्गमा पूरा गर्ने निर्देश दिँदै भने, खुदीराम बोसको जन्मभूमि पश्चिम मेदिनीपुर वा बङ्गाल मात्र नभई सारा देशको ऐतिहासिक धरोहर हो। यसको संरक्षण औ विकासको लागि आवश्यक कदम उठाइनेछ।

हिन्दुस्थान समाचार / उष्णता छेत्री शर्मा