कोलकाता, 12 अगस्त (हि.स.)। हावड़ा नगरनिगमको परिसीमन औ वार्डहरूको सङ्ख्यामा बद्लाउसित सम्बन्धित हावड़ा म्युनिसिपल कर्पोरेशन (द्वितीय संशोधन) विधेयक, 2026- लई बुधवार पश्चिम बङ्गाल विधानसभामा ध्वनिमतले पारित गरियो। शहरी विकास मन्त्री अग्निमित्रा पालले सदनमा विधेयक पेश गरिन् जसमाथि चर्चा गरिएपछि यसलाई ध्वनिमतले स्वीकृति दिइयो।

विधेयक पारित भएपछि हावड़ा नगरनिगममा निर्वाचित पार्षदहरूको सङ्ख्या 50-देखि बढ़ेर 68 पुग्नेछ। यसको लागि हावड़ा म्युनिसिपल कर्पोरेशन अधिनियम, 1980- को धारा 5- मा संशोधन गर्ने प्रावधान राखिएको छ। विधेयकमा अधिनियमको धारा 5- को उपधारा (1) औ (2)- मा क्रमशः “50 जना निर्वाचित पार्षद” औ “50 जना पार्षद”- को स्थानमा “68 निर्वाचित पार्षद गरिने प्रावधान छ।

विधेयकको उद्देश्य औ कारण अनुसार हावड़ा नगरनिगमका वार्डहरूको सङ्ख्यामा संशोधन वार्डगत जनसंङ्ख्या, आवासीय स्वरूप, भौगोलिक परिस्थिति औ निगमसित सम्बन्धित आर्थिक पाटोलाई ध्यानमा राखेर गरिँदैछ। सरकारले भनेको छ, संशोधन गर्नुको उद्देश्य निगमका वार्डहरूको सङ्ख्याको पुनरीक्षण गर्नु हो।

विधेयकमा यो पनि प्रावधान छ, संशोधन कानून राज्य सरकारद्वारा राजपत्रमा अधिसूचना जारी गरिएको तारिकदेखि नै प्रभावकारी हुनेछ। विधेयक अनुसार यसका प्रावधानहरूलाई लागू गर्दा कुनै अतिरिक्त वित्तीय भार पर्नेछैन।

हिन्दुस्थान समाचार / उष्णता छेत्री शर्मा