जलपाईगुड़ी, 12 अगस्त (हि.स.)। उत्तर बङ्गालमा बसोबास गर्ने बङ्गालीहरूलाई आगामी 15 अगस्तसम्ममा क्षेत्रलाई छोड़ेर जाने कथित धम्कीले धूपगुड़ीमा राजनीतिक खैलाबैला मचिएको छ।यो बयान तृणमूल कङ्ग्रेसका नेता सुकदेव रायको रहेको बताइएको छ। सोशल मीडियामा उनको एउटा भीडियो भाइरल भएपछि विवाद उत्पन्न भयो। यस मामिलामा केही युवाहरूद्वारा धूपगुड़ी थानामा लिखित सिकायत दर्ता गरिएको छ।
पुलिस सूत्र अनुसार मामिलामा पुलिसले पनि स्वतः संज्ञान लिँदै मुद्दा दर्ता गरेको छ।
भाइरल भिडियोमा सुकदेव रायलाई कथित रूपमा उत्तर बङ्गालमा बसोबास गर्ने बङ्गालीहरूलाई आगामी 15 अगस्तसम्ममा क्षेत्रलाई छोड़्ने चेताउनी दिँदै गरेको देखिएको छ। बयानमा उनले वर्ष 2002-मा धूपगुड़ीस्थित माकपा कार्यालयमा भएको केएलओ उग्रवादी हमलाको पनि उल्लेख गरे।
बताइन्छ, सुकदेव राय धूपगुड़ीका तृणमूल विधायक निर्मलचन्द्र रायका निकटवर्ता हुन्। तथापि यस बयानलाई लिएर सुकदेव रायको पक्षबाट कुनै प्रतिक्रिया आएको छैन।
बयानपछि विभिन्न राजनीतिक दलहरूले यसको विरोध गरेका छन्।
माकपाको धूपगुड़ी एरिया कमिटीका सचिव जयन्त मजुमदारले आरोप लगाए, यस किसिमको बयान सामाजिक तथा साम्प्रदायिक सौहार्द बिगार्ने प्रयास हो। उनले भने, बङ्गाललाई विभाजन गर्ने तथा विच्छिन्नतावादी शक्तिहरूलाई प्रोत्साहित गर्ने कुनै पनि प्रयासको विरोधमा माकपाले व्यापक आन्दोलन गर्नेछ।
माकपाले प्रशासनसित यो पनि माग गरेको छ, सुकदेव रायको कथित बयानको गम्भीर रूपमा जांच गरियोस् अनि यो पत्तो लगाइयोस् कि उनको कुनै विच्छिन्नतावादी सङ्गठनसित कुनै सम्पर्क छ कि छैन।
यता भाजपाले पनि तृणमूल नेताको बयानको कड़ा निन्दा गरेको छ। भाजपाका जलपाईगुड़ी जिल्ला सचिव माधवचन्द्र रायले आरोप लगाए, सुकदेव रायले पहिला पनि सोशल मीडियामाकथित रूपमा उक्साहटपूर्ण बयान दिसकेका छन्। उनले प्रशासनसित मामिलाको जाँच गरी आवश्यक कारबाही गर्ने माग गरेका छन्।
हिन्दुस्थान समाचार / उष्णता छेत्री शर्मा