नयाँ दिल्ली, 13 अगस्त (हि.स.)। केन्द्रिय मन्त्री जेपी नड्डाले तिरङ्गा यात्रा र तिरङ्गा अभियानलाई देशभरि चलिरहेको जनसहभागिताको अभियान रूपमा रेखांकित गरेका छन्। 9 अगस्तदेखि शुरु भएको तिरङ्गा यात्रा र तिरङ्गा अभियान 15 अगस्तसम्म जारी रहने उनले बताए। यस अन्तर्गत देशका शहरदेखि गाउँसम्म तिरङ्गा यात्रा निकालिँदैछ र मानिसहरूले उत्साहका साथ यसमा भाग लिइरहेका छन्।
जब देशले स्वतन्त्रताको 75 वर्ष पूरा गरेको थियो, प्रधानमन्त्री नरेन्द्र मोदीले साल 2022 मा तिरङ्गा अभियान सरकारी कार्यक्रम मात्र नभई जनताको आन्दोलन बन्नुपर्ने आह्वान गरेका थिए। यसपछि देशभरिका करोड़ौं घरमा त्रिरङ्गा फहराएको थियो र जनताले उत्साहपूर्वक यस अभियानमा भाग लिएका थिए।
केन्द्रिय मन्त्रीले आफूले पनि आफ्नो परिवार सहित आज आफ्नो निवासमा तिरङ्गा फहराएको जानकारी दिए। यसलाई आफ्ना लागि सौभाग्यको अवसर भन्दै उनले त्रिरङ्गा देशको एकता, गौरव र राष्ट्रिय भावनाको प्रतीक भएको बताए।
नड्डाले भारतलाई आत्मनिर्भर र विकसित राष्ट्र बनाउनका लागि देशवासीमा देशभक्तिको भावना हुनु आवश्यक रहेको बताए। उनले जनतालाई तिरङ्गा अभियानमा सामेल हुन र देशको विकासका लागि संकल्पलाई बलियो बनाउन अपील गरे। उनी अनुसार, भारतलाई आत्मनिर्भर र विकसित भारत बनाउने लक्ष्य देशभक्ति र सामूहिक प्रयासको भावनाबाट प्राप्त गर्न सकिन्छ।
हिन्दुस्थान समाचार / भवानी थामी
