सिलगढ़ी, 13 अगस्त (हि.स.)। शहरको प्रमुख औ पुरानो दुर्गा पूजा आयोजक संस्था घोगोमाली जनश्री क्लबले यस वर्ष आफ्नो पूजाको 57औं वर्ष मनाइरहेको छ। बिहीवार घोगोमाली स्कूल मैदानमा आयोजित खुट्टी पूजा गरेर यस वर्षको दुर्गा पूजाका तयारीहरूको औपचारिक शुभारम्भ गरियो।

आयोजकहरू अनुसार यसपालि पण्डाल दक्षिण भारतको कर्नाटकस्थित एक प्रसिद्ध मन्दिरको वास्तुकला जस्तै बनाइनेछ। यहाँ आउने श्रद्धालु तथा भक्तहरूले दक्षिण भारतीय परम्परा औ स्थापत्य कलाको अनौठो झलक देख्न पाउनेछन्।

पछिल्लो वर्षहरू जस्तै यस वर्ष पनि आयोजकहरूले आफ्नो विशेष थीमको माध्यमबाट श्रद्धालु अनि दर्शकहरूलाई आकर्षित गर्ने तयारी गरिरहेका छन्।

प्राप्त जानकारी अनुसार पछिल्लो वर्ष पुरीको जगन्नाथ मन्दिर जस्तै बनाइएको पण्डालले मानिसहरूको विशेष ध्यान आकर्षण गरेको थियो। यसै परम्परालाई अगाड़ि बढ़ाउँदै यस वर्ष पनि पण्डालमा केही नयाँ देख्न पाइनेछ।

हिन्दुस्थान समाचार / उष्णता छेत्री शर्मा