जलपाईगुड़ी, 13 अगस्त (हि.स.)। स्वतन्त्रता दिवसको अवसर पारेर ‘हर घर तिरङ्गा’ अभियान अन्तर्गत साहुडाङ्गी हाट पी. के. राय हाई स्कूलद्वारा बिहीवार एक भव्य तिरङ्गा यात्रा निकालियो। राष्ट्रिय ध्वजको सम्मान औ देशभक्तिको सन्देश दिने उद्देश्यले आयोजित यस पदयात्रामा ठूलो सङ्ख्यामा स्कूलका विद्यार्थीहरूसँगसँगै शिक्षक-शिक्षिकाहरूले पनि भाग लिएका थिए। यूनिफर्ममा रहेका विद्यार्थीहरू हातमा तिरङ्गा बोकेर यात्रामा सामेल भए। यस अवधि एकजना छात्रालाई भारत माताको वेशभूषामा देखियो। तिरङ्गा बोकेर निकालिएको उक्त पदयात्रा साहुडाङ्गी बजार, आश्रम पाड़ा औ नोवापाड़ा समेत वरपरका विभिन्न क्षेत्रहरू भएर गुज्रियो। देशभक्तिका नारा तथा तिरङ्गाको रङ्गमा सम्पूर्ण क्षेत्रलाई उत्सवमय देखियो।

स्कूलका प्रधानाध्यापक प्रदीप चौधरीले बताए, ‘हर घर तिरङ्गा’ अभियान अन्तर्गत विद्यालयको पक्षबाट यो यात्रा आयोजना गरिएको हो। यसमा स्कूलका सब विद्यार्थीहरू तथाशिक्षक-शिक्षिकाहरू सामेल भए। प्रधानाध्यापकले भने, धेरै जना स्वाधनीता सङ्ग्रामीहरूको बलिदानपछि देशले स्वाधीनता पाएको हो। त्यसैले स्वाधीनता दिवसलाई सबै मानिसहरूसित मिलेर देशभक्तिको भावनाले मनाइयोस्।

हिन्दुस्थान समाचार / उष्णता छेत्री शर्मा