-पाँच वर्ष सरकारमा रहेको कङ्ग्रेस, झीरमको कथित प्रमाण आखिर कहाँ गयो: केदार कश्यप

रायपुर 14 अगस्त (हि.स.)। वन एवं जलवायु परिवर्तन मन्त्री केदार कश्यपले झीरम उपत्याकाको सन्दर्भमा प्रदेश कङ्ग्रेस अध्यक्ष दीपक बैजद्वारा दिइएको बयानलाई लिएऱ शुक्रवार चर्को प्रतिक्रिया व्यक्त गरे। उनले भने, भारतीय जनता पार्टी (भाजपा)- ले कहिल्यै पनि वीर सपूत तथा शहीदहरूलाई अपमान गरेन। झीरम उपत्याकाको घटना अत्यन्त दुर्भाग्यपूर्ण थियो। भाजपा सरकार एवं सङ्गठनले सदैव नक्सलीहरूको कड़ा भत्सर्ना गरेको छ।

मन्त्री कश्यपले भने, दीपक बैजले भाजपामाथि आरोप लगाउनअघि आफ्नो पार्टीका नेताहरूको बयानको जवाफ दिउन्। राहुल गान्धी, दिग्विजय सिंह अथवा छत्तीसगढ़ कङ्ग्रेसका नेताहरूले नक्सलवादलाई लिएर विवादित बयान दिँंदै आएका छन् वा हिड़मालाई ‘रोल मोडल’ बताउने जस्तो कुरा गर्दछन्, तब कङ्ग्रेस नेतृत्व मौन किन बस्छन्? यसैले कङ्ग्रेसको दोहोरो मानसिकता औ दोहोरो नीतिलाई उजागर गर्छ।

उनले भने, कङ्ग्रेसले एकातिर शहीदहरूको नाममा राजनीति गर्छ भने अर्कोतिर नक्सलीहरूप्रति सहानुभूतिपूर्ण बयानमाथि मौन बस्छ। दीपक बैजले प्रदेशका जनतालाई बताउनुपर्छ कि यस्ता बयानहरूको उसले खुलेर विरोध किन गर्दैन?

कश्यपले भने, कङ्ग्रेसका तत्कालीन मुख्यमन्त्रीले लगातार दाबी गर्दै आइरहेका छन् कि उनीसित झीरम घटनासित सम्बन्धित सबै प्रमाण छ। प्रदेशमा पाँच वर्षसम्म कङ्ग्रेसको सरकार रह्यो, उनले ती प्रमाणहरूलाई किन अगाड़ि ल्याएनन्? यदि कङ्ग्रेससित प्रमाण थियो भने त्यसलाई सार्वजनिक गर्न र उचित कारबाही गर्नदेखि कसले रोक्यो?

मन्त्री कश्यपले भने, “झीरमका शहीदहरूको नाममा राजनीतिक आरोप-प्रत्यारोप गर्नु बन्द गरियोस्। शहीदहरूको सम्मान हाम्रो लागि राजनीतिक विषय होइन जबकि सर्वोपरी हो। देशले आफ्ना वीर सपूतहरूको अपमानलाई कहिल्यै सहन गर्नेछैन।

हिन्दुस्थान समाचार / उष्णता छेत्री शर्मा