रायपुर, 14 अगस्त (हि.स.)। रायपुर पुलिसले शुक्रवार लगातार आपराधिक गतिविधिहरूमा सामेल बदमाश हेमन्त साहू विरूद्ध जिल्ला बदरको कारबाही गरेको छ। पुलिस आयुक्त डा. सञ्जीव शुक्लाले छत्तीसगढ़ राज्य सुरक्षा अधिनियम, 1990 अन्तर्गत यो आदेश जारी गरेका हुन्।

पुलिस अनुसार, खमतराई क्षेत्रको बासिन्दा 25 वर्षीय हेमन्त साहूमाथि साल 2016 देखि लगातार आपराधिक मुद्दा चलिरहेको छ। उ विरुद्ध चोरी, आगजनी, आक्रमण, आबकारी एक्ट र हतियार एक्स अन्तर्गत आधा दर्जनभन्दा बढ़ी मुद्दा दर्ता भएका छन्। विगतमा उ विरुद्ध धेरै पटक प्रतिबन्धात्मक कारबाही गरिएको थियो तर उसको व्यवहारमा सुधार भएन।

पुलिसको अनुसन्धान र रेकर्डका आधारमा हेमन्त साहूलाई रायपुर सहित दुर्ग, धमतरी, महासमुन्द, बलौदाबाजार र गरियाबन्द जिल्लाको राजस्व सीमाबाट दुई महिनासम्म टाढ़ा रहन आदेश दिइएको छ।

शहरमा कानून व्यवस्था कायम राख्न र सर्वसाधारणमा सुरक्षाको भावना बलियो बनाउने उद्देश्यले यो कारबाही गरिएको पुलिसले बताएको छ।

हिन्दुस्थान समाचार / भवानी थामी