नोएडा, 14 अगस्त (हि.स.)। जिल्लाको जेवर पुलिस थानाको कस्बा जेवरमा बिहिवारर राति एक दिनकी नवजातको शव पुलिसले फेला पारेको छ। पुलिसले शवलाई कब्जामा लिएर पोस्टमार्टमका लागि पठाएको छ।

थाना प्रभारी अजय कुमार सिंहले भने, जेवर शहरका एक बासिन्दाले पुलिसलाई शहरको सड़क किनारमा एक दिनकी नवजात शिशुको शव परेको जानकारी दिए। सूचना पाएपछि पुलिस घटनास्थलमा पुग्यो र शवलाई पोस्टमार्टमका लागि पठायो।

वरपरका मानिससँग कुरा गरेर यी नवजात शिशु कसको हो भनेर पत्ता लगाउने प्रयास भइरहेको एसएचओले बताए। अवैध सम्बन्धबाट बच्चा जन्मिएको पुलिसले आशंका गरेको छ। समाजको लाजका कारण आमाबाबुले छोरीलाई जन्म दिएपछि यहाँ फ्याँकिदिए, जसका कारण उनको मृत्यु भयो। पुलिसले वरपर स्थापित सिसिटिभी क्यामेराको सहयोगमा उनलाई मार्ने र यहाँ फ्याँक्ने व्यक्तिहरू को हुन् भनेर पत्ता लगाउने प्रयास गरिरहेको छ, उनले भने।

हिन्दुस्थान समाचार / भवानी थामी