कुचबिहार, 14 अगस्त (हि.स.)। वरिष्ठ कुचबिहार नेता तथा भाजपाका राज्यसभा सांसद नागेन रोय उर्फ अनन्त महाराजले नेताजी सुभाष चन्द्र बोसमाथि गरेको कथित विवादास्पद टिप्पणीका कारण समस्या बढ्दै गएको देखिन्छ। अहिले कुचबिहारको कोतवाली पुलिस थानामा विभिन्न धारा अन्तर्गत उनी विरुद्ध एफआइआर दर्ता गरिएको छ। एफआइआर दर्ता भएपछि राजनीतिक तथा सामाजिक क्षेत्रमा हलचल मच्चाएको छ।

विगत केही दिनदेखि नागेन रोय नेताजीको बारेमा कथित आपत्तिजनक टिप्पणीका लागि चर्चामा रहेका छन्। पुलिसले यस मामिलामा कारबाही गरिसकेको छ र उनका पाँच समर्थकलाई पक्राउ गरेको छ। पक्रा परेका व्यक्तिहरूले सामाजिक सञ्जालमा नेताजी सुभाष चन्द्र बोस विरुद्ध अपमानजनक टिप्पणी गरेको आरोप लगाइएको छ।

नेताजीका बारेमा आपत्तिजनक टिप्पणी गरेको आरोपमा राज्य सरकारले नागेन रोय विरुद्ध पनि कारबाही गरेको छ। सरकारले उनलाई दिएको 'बङ्गबिभूषण' सम्मान फिर्ता लिइएको छ। अहिले कोतवाली पुलिस थानामा एफआइआर दर्ता भएपछि यो मुद्दा अझ् गम्भीर भएको छ।

पुलिस सूत्रहरू अनुसार, सम्पूर्ण विषयमा विस्तृत अनुसन्धान शुरु गरिएको छ। उपलब्ध प्रमाण र कानूनी प्रक्रियाको आधारमा थप कारबाही गरिनेछ।

यद्यपि, एफआइआर दर्ता भए तापनि नागेन रोयलाई अहिलेसम्म पक्राउ नगरिएकोमा विभिन्न पक्षबाट प्रश्न उठाइएको छ। धेरैले यस मामिलामा द्रूत र कड़ा कारबाहीको माग गरेका छन्। यस घटनालाई लिएर कुचबिहारको राजनीतिक माहोल पनि गर्मिएको छ। विपक्षी दलहरूले कथित टिप्पणीको कड़ा निन्दा गरेका छन् र सांसदको राजीनामा माग गरेका छन्। अहिले सबैको नजर कोतवाली पुलिस थानामा दर्ता गरिएको एफआइआरपछि पुलिसको अर्को कारबाहीमा छ।

हिन्दुस्थान समाचार / भवानी थामी