गान्तोक, 14 अगस्त (हि.स.)। सिक्किमका राज्यपाल ओम प्रकाश माथुरले ८०औँ स्वतन्त्रता दिवसको पूर्वसन्ध्यामा आज लोकभवनमा सिक्किम सशस्त्र पुलिसका जवानहरूको नयाँ सेरेमोनियल ह्याट सार्वजनिक गरे। यसका लागि राज्यपालको “विवेकाधीन कोष” मार्फत सहयोग प्रदान गरिएको छ।
लोक भवनका अनुसार, यो नयाँ ह्याट भोलि १५ अगस्त, २०२६ मा आयोजना हुने ८०औँ स्वतन्त्रता दिवस समारोहको परेडमा सहभागी हुने सिक्किम सशस्त्र पुलिसको टोलीले लगाउनेछ।
ह्याट सार्वजनिक तथा वितरण कार्यक्रमका क्रममा सिक्किम सशस्त्र पुलिसका कमान्डेन्ट नर्बु छिरिङ शेर्पालाई राज्यपालले ह्याट हस्तान्तरण गरे। उनीसँगै सिक्किम सशस्त्र पुलिस बलका अन्य अधिकारीहरू पनि उपस्थित थिए।
कमान्डेन्ट शेर्पाले राज्यपालप्रति आभार व्यक्त गर्दै यो नयाँ ह्याटले देशको ८०औँ स्वतन्त्रता दिवसका अवसरमा सिक्किम सशस्त्र पुलिसको मार्चिङ दस्तालाई विशिष्ट पहिचान प्रदान गर्ने बताए।
---------------
हिन्दुस्थान समाचार / बिशाल
