हुगली, 14 अगस्त (हि.स.)। पश्चिम बङ्गाल सरकारका पीएचई औ श्रम विभागीय राज्य मन्त्री भास्कर भट्टाचार्यले शुक्रवार सोशल मीडियामा एउटा पोस्टको माध्यमबाट तृणमूल कङ्ग्रेसका केही नेताहरूलाई लक्षित गरे। उनले आरोप लगाए, तृणमूलका केही नेताहरूले ‘मेघनाद’ जस्तै लुकेर श्रीरामपुर विधानसभा क्षेत्रमा सरकारविरूद्ध कुप्रचार गर्ने प्रयास गरिरहेका छन्।

मन्त्रीले फेसबुक पोस्टमा लेखे, “केही तृणमूल नेताहरूले मेघनाद बनेर हाम्रो सरकारको विरोधमा दुष्प्रचार गर्ने प्रयास गरिरहेका छन्। मेघको आड़बाटै बाहिर निकालिनेछ। उनले चेताउनीपूर्ण शैलीमा भने, “मेरो भद्रतालाई कमजोरी ठान्ने भूल गर्दा विपद आइलाग्न सक्छ। हिशियार।”

मन्त्रीको उक्त बयानपछि श्रीरामपुर विधानसभा क्षेत्रको स्थानीय राजनीतिमा चर्चा चुलिएको छ। तथापि भास्कर भट्टचार्यले आफ्नो पोस्टमा कुनै नेताको नाम स्पष्ट रूपमा उच्चारण गरेका छैनन्।

मन्त्रीद्वारा ‘मेघनाद’ औ ‘मेघको आड़’ जस्ता शब्दहरू प्रयोग गरिएकोमा राजनीतिक जगतमा विभिन्न खाले अड़कल काँड़िँदैछ भने अर्कोतिर ‘चाँड़ै नै व्यवस्था हुनेछ’ औ ‘होशियार’ जस्ता शब्दहरूलाई लिएर पनि स्थानीय राजनीतिक गल्लीहरूमा चर्चा तीव्र भएको छ।

यद्यपि मन्त्रीले आफ्नो पोस्टमा यो स्पष्ट पारेनन्, सरकारविरूद्ध कथित कुप्रचार कुन मुद्दालाई लिएर गरिँदैछ र यसको पछाड़ि को-को नेता छन्। अब उनको आगामी कदममाथि राजनीतिक नजर अड़िएको छ।

हिन्दुस्थान समाचार / उष्णता छेत्री शर्मा