शाहजहाँपुर, 14 अगस्त (हि.स.)। उत्तर प्रदेशमा मङ्गलवार शाहजहाँपुर जिल्लाको कान्त पुलिस थाना क्षेत्रमा भएको सड़क दुर्घटनामा दुई कांवड़ीको मृत्यु प्रकरणमा पुलिसले ट्र्याक्टर-ट्राली चालकलाई पक्राउ गरेको छ।
कटरा पुलिस थाना क्षेत्र अन्तर्गत बरखेडा हवेली गाउँका केही युवाहरूले फर्रुखाबादबाट गोला गोकर्णनाथसम्म पैदल पानी बोकेर गइऱहेको थाना प्रभारी राकेश तोमरले बताए। पैदल हिँड़ेका नितिश (12), प्रदीप (22) र राहुल उर्फ तुलसीलाई जमौर गाउँ नजिकैको पेट्रोल पम्प नजिकै पछाड़ीबाट आउँदै गरेको कांवड़ीहरूले भरेको ट्रयाक्टर-ट्रालीले ठक्कर दिएको थियो। दुर्घटनामा नितिश र प्रदीपको मृत्यु भएको थियो।
दुर्घटनापछि ट्रयाक्टरको चालक फरार भएको थियो। नितिशका पिता अमरीश कुमारको उजुरीमा पुलिसले चालक विरुद्ध एफआइआर दर्ता गरी उसको खोजी शुरु गरेको थियो।
बिहिवार राति गस्ती गर्दा पुलिस टोलीले पीलीभिट जिल्लाको सेहरामऊ उत्तर पुलिस थाना क्षेत्र अन्तर्गत माधा खुर्दका बासिन्दा चालक अभिषेक वर्मालाई जमौर गाउँ नजिकैबाट पक्राउ गरेको प्रभारी निरीक्षकले बताए। पुलिसले यस विषयमा थप कारबाही गरिरहेको छ।
हिन्दुस्थान समाचार / भवानी थामी
