नयाँ दिल्ली, 15 अगस्त (हि.स.)। प्रधानमन्त्री नरेन्द्र मोदीले आज देशवासीहरू, विशेषगरी युवा पुस्तालाई चेतावनी दिएका छन् कि सशस्त्र नक्सलीहरू देशबाट हटाइएको छ, तर दिमागी नक्सलीहरू अझै पनि अवसरको खोजमा छन् र हिंसा र अराजकताको माध्यमबाट भारतलाई गलत बाटोमा तान्ने प्रयास गरिरहेका छन्। उनले त्यस्ता विचारधाराका नक्सलीहरूलाई पहिचान गर्न र अलग-थलग पार्न आह्वान गरे।
देशको 80औँ स्वतन्त्रता दिवसको अवसरमा लाल किल्लाको प्राचीरबाट राष्ट्रलाई सम्बोधन गर्दै प्रधानमन्त्री मोदीले यी कुरा भनेका हुन्। 21औं शताब्दीमा दशकौँ पुराना चुनौतीहरूको उन्मूलन गर्नु अत्यन्त आवश्यक रहेको प्रधानमन्त्रीले बताए। नक्सलवादले लाखौँ युवाहरूको भविष्य नष्ट गरेको छ।
उनले भने कि यो नक्सलवादले भारतको धेरै ठूलो भाग, चार दशकसम्म धेरै ठूलो जनसङ्ख्यालाई बन्दुकको नोकमा राखेको थियो, संविधानको उल्लंघन गरेको थियो र देशका आम नागरिकहरूको रक्षा गर्दै हाम्रा पुलिसका 3500 भन्दा बढ़ी सुरक्षाकर्मीहरू शहीद भए। देशका आम जनताले सुरक्षा पाउनका लागि हाम्रा पुलिसकर्मीहरूले युद्धभित्र मर्ने सैनिकहरूको सङ्ख्याभन्दा बढ़ी आफ्नो जीवन बलिदान गर्नुपरेको थियो। यो नक्सलवादले माटोमा रगत बगाएको थियो।
प्रधानमन्त्रीले भने, सन् 2014 मा जनताले हामीलाई मौका दिए, त्यही दिन हामीले देशलाई नक्सलवादबाट मुक्त गर्ने वाचा गरेका थियौं र आज म खुशी छु किनभने नक्सलवादी-माओवादी हिंसाको अन्तिम सास लिने शक्ति पनि छैन, यसलाई पूर्ण रूपमा उन्मूलन गर्ने दिशामा, जहाँ एक समय नक्सलवादीहरूको गोली चलेको थियो, जहाँ एक समय पृथ्वी रक्त रंजित रहनेगर्थ्यो, आज त्यही नक्सल क्षेत्रमा, त्यही क्षेत्रमा नक्सलवाद मुक्त भएको कारण विकास, विश्वास र प्रयासको त्रिरङ्गा फहराइरहेको छ।
तर हामीले यो चुनौतीलाई कम आँकलन गर्नु हुँदैन। हामी यस चुनौतीसँग अझ् बढ़ी सावधान हुन आवश्यक छ। वर्षौँदेखि देशमा सत्तामा रहेका माओवादी विचारधाराहरूको सत्ताका कोरिडोरहरूमा आफ्नो स्थान थियो। यी माओवादी विचारधाराहरूले सरकारी समितिहरूमा सल्लाहकारका रूपमा पनि नीतिहरूलाई प्रभाव पारे।
जङ्गलमा हामी सशस्त्र नक्सालहरूबाट छुटकारा पाउन र देशलाई त्यो सङ्कटबाट मुक्त गर्न सफल भएका छौँ, तर सशस्त्र नक्सलहरू गएका छन्त र दिमागी नक्सालहरू अवसर खोज्दैछन्, उनले भने। उनीहरूले हिंसात्मक अराजकताका तरिकाहरू खोजिरहेका छन्। समाजलाई गलत मार्गमा धकेल्न विभिन्न बाजी लगाइँदैछ। यी दिमागी नक्सलीहरूको पहिचान गर्नुपर्छ। यी विचारधाराका नक्सलवादीहरूलाई अलग-थलग पार्नुपर्छ र देशका युवा पुस्तालाई राष्ट्रलाई विकसित राष्ट्र बनाउने मुख्यधारामा जोड्नुपर्छ।
हिन्दुस्थान समाचार / भवानी थामी
