उज्जैन, 17 अगस्त (हि.स.)। सावनको तेस्रो सोमवार र नाग पञ्चमीको दुर्लभ संयोगमा भक्तहरूको ठूलो भीड़ मध्य प्रदेशको उज्जैनको नागचन्दरेश्वर मन्दिरमा जमा भयो। दर्शन गर्ने होड़मा हरसिद्धि मन्दिर नजिकै ब्यारिकेङिढ क्षेत्रमा भीडको दबाब बढ़ेपछि क्षेत्रमा खैलाबैलाको स्थिति उत्पन्न भयो। जसमा 13 जना भक्तको स्वास्थ्य अचानक बिग्रियो। उनीहरूलाई उपचारका लागि उज्जैन जिल्ला अस्पतालमा भर्ती गरिएको छ।

वास्तवमा सावन सोमवार र नाग पञ्चमीएकैदिन योग हुँदा उज्जैनको महाकाल र नागचन्दरेश्वर मन्दिर परिसरमा भक्तहरूको भीड़ जमा भयो। यसैबीच हरसिद्धि मन्दिर अगाड़ीको ब्यारिकेडिङ क्षेत्रमा भीड़भाड़का कारण धक्का-मुक्की र सास निसासिने स्थिति उत्पन्न भयो। भीड़को दबाबमा सागर (15) पुत्र मनिष, किसानपुरा निवासी, सजीब नोनू चौधरी (36) दरभंगा, बिहार निवासी, खुशी (20) पुत्री माधव राव, बड़ा गणेश, ग्वालियर निवासी, हरिचन्द (26) पुत्र अशोक, वासना निवासी गुजरात निवासी, तुलसी (15) पुत्र जय प्रकाश, गुजरात निवासी, जय (12) पुत्र जय धवन, गुजरात निवासी सहित कूल 13 जना भक्तको स्वास्थ्य अचानक बिग्रियो। घटनापछि तुरुन्तै परिवारका सदस्य र सुरक्षाकर्मीको सहयोगमा सबैलाई जिल्ला अस्पतालमा लगियो, जहाँ प्राथमिक उपचार भइरहेको छ।

मन्दिरको ढोका वर्षमा एक पटक मात्र खुल्छ-

महाकालेश्वर मन्दिरको तेस्रो तलामा अवस्थित भगवान नागचन्द्रेश्वरको मन्दिर नागपञ्चमीको अवसरमा वर्षमा एक पटक मात्र 24 घन्टाका लागि खोलिन्छ। यस पटक आइतवार राति 12 बजी ढोका खोलिएको थियो, जुन सोमवार राति 10 बजीसम्म खुला रहनेछ। यो दुर्लभ संयोगका कारण देशभरिबाट लाखौँ भक्त उज्जैन पुगे। दिउँसोसम्म लगभग 5.50 लाख भन्दा बढ़ी भक्तहरूले नागचन्द्रेश्वर र 2.60 लाख भन्दा बढ़ी भक्तहरूले बाबा महाकालको दर्शन गरिसकेका छन्।

घटनापछि प्रशासन सतर्कता

भीड़लाई ध्यानमा राख्दै स्थानीय प्रशासन र मन्दिर व्यवस्थापन समितिले कड़ा सुरक्षा व्यवस्था गरेको छ। घटनापछि तुरुन्तै प्रभावित क्षेत्रमा ट्राफिक र भीड़ नियन्त्रणका लागि अतिरिक्त पुलिस बल तैनाथ गरिएको छ। चिकित्सक अनुसार, अस्पतालमा भर्ती भएका सबै भक्तको अवस्था अहिले स्थिर र नियन्त्रणमा रहेको छ।

/ बिशाल