नयाँ दिल्ली, १७ अगस्त (हि.स.)। प्रधानमन्त्री नरेन्द्र मोदीले आज बिहान सामाजिक सञ्जाल एक्समार्फत सुभाषितम् साझा गर्दै सामूहिक संकल्प र एकताको शक्तिको महत्वबारे सन्देश दिएका छन्।
प्रधानमन्त्री मोदीले भनेका छन्, “सामूहिक संकल्प र एकताको शक्तिबाट नै देश अघि बढ्छ। यही भावना भारतको प्रगति र समृद्धिको बलियो आधार हो।”
उनले साझा गरेको सुभाषितम् ऋग्वेदको मण्डल १०, सूक्त १९१, मन्त्र ४ बाट लिइएको हो। सुभाषितम् यसप्रकार छ-
''समानी व आकूतिः समाना हृदयानि वः। समानमस्तु वो मनो यथा वः सुसहासति॥''
प्रधानमन्त्रीको एक्स ह्यान्डलमा यसको अर्थसमेत उल्लेख गरिएको छ। जसअनुसार सबैका संकल्प समान हुनुपर्छ र सबैका मन एकताको भावनाले जोडिनुपर्छ, ताकि आपसी सहयोग र समान व्यवहारका साथ समाजको उन्नतिका लागि निरन्तर प्रयास गर्न सकियोस्।
प्रधानमन्त्री मोदीले सुभाषितममार्फत सामूहिक एकता, सहकार्य र साझा संकल्पबाट राष्ट्रको प्रगति तथा समृद्धिको आधार बलियो बन्ने सन्देश दिएका छन्।
हिन्दुस्थान समाचार / भवानी थामी
