नयाँ दिल्ली, १९ अगस्त (हि.स.)। प्रधानमन्त्री नरेन्द्र मोदीले आज पनि सधैंझैँ बिहान आफ्नो एक्स ह्यान्डलमा सुभाषितम् साझा गर्दै मानिसहरूलाई परोपकारी बन्न आह्वान गरेका छन्। उनले अन्य प्राणीहरूको आफ्नो पूर्ण क्षमताले सहयोग गरेर मानव जीवनको पूर्ण सार्थकता प्रमाणित गर्न सकिने बताएका छन्।
प्रधानमन्त्रीले साझा गरेको सुभाषितम् अर्थात् संस्कृत श्लोक यस प्रकार छ-
''एतवज्जन्मसाफल्यं देहिनामिह देहिषु। प्राणैरर्थैर्य वाचा श्रेय एवाचरेत्सदा॥''
यो श्लोक श्रीमद्भागवत महापुराण (१०.२२.३५) बाट लिइएको हो। उक्त श्लोकमा मानव जन्मलाई सफल र सार्थक बनाउने सन्देश समाहित छ।
प्रधानमन्त्रीको एक्स ह्यान्डलमा यसको अर्थ उल्लेख गर्दै भनिएको छ, “यस संसारमा मानिसको जन्मको पूर्ण सार्थकता यही कुरामा निहित छ कि उसले अन्य प्राणीहरूप्रति आफ्नो शारीरिक सामर्थ्य, धन-सम्पत्ति, बुद्धि तथा वाणीका माध्यमबाट सदैव परोपकारी र कल्याणकारी कार्यहरू गर्नुपर्छ।”
हिन्दुस्थान समाचार / भवानी थामी
