रायपुर, २० अगस्त (हि.स.)। छत्तीसगढ़को धमतरीमा प्रवर्तन निर्देशनालय (ईडी) ले कांग्रेसका पूर्व कोषाध्यक्ष रामगोपाल अग्रवाल को सिहावा रोडस्थित निवासमा छापा मारेको छ। ईडीको टोली बुधबार बिहान करिब ७ बजी दुई वटा फरक सवारीसाधनमा अग्रवालको घर पुगेको थियो।
विश्वसनीय स्रोतहरूका अनुसार, एक टोलीमा सुरक्षाकर्मीहरू सहित जम्मा आठ जना सदस्य रहेका छन्। घर बाहिर सुरक्षा बल तैनाथ गरिएको छ र कसैलाई पनि भित्र प्रवेश गर्न अनुमति दिइएको छैन। अधिकारीहरूले घरभित्र रहेका कागजात तथा अन्य आवश्यक अभिलेखहरूको जाँच गरिरहेका छन्।
ईडीको दाबी अनुसार, सिन्डिकेटद्वारा संकलित अवैध कमिसन तथा करोडौं रुपियाँ बराबरको कालोधनलाई व्यवस्थापन तथा लुकाउन (मनी लन्ड्रिङ) रामगोपाल अग्रवालको मुख्य भूमिका रहेको छ। कांग्रेस नेता अग्रवाल हाल रायपुर केन्द्रिय कारागारमा बन्दी जीवन बिताइरहेका छन्।
छत्तीसगढ़का चर्चित मदिरा (शराब) तथा कोइला लेभी घोटाला प्रकरणमा अनुसन्धान निकायहरूको सोधपुछ र हिरासत अवधि समाप्त भएपछि अदालतले उनलाई न्यायिक हिरासत (जेल) मा पठाएको थियो। उनी यसअघि नै केन्द्रिय कारागारमा विचाराधीन बन्दीका रूपमा रहेका थिए।
यसै क्रममा ११ अगस्त २०२६ मा प्रवर्तन निर्देशनालयले उनलाई जेलभित्रैबाट मदिरा घोटालासम्बन्धी मनी लन्ड्रिङ मुद्दामा औपचारिक रूपमा पक्राउ गरेको थियो। पक्राउपछि विशेष पीएमएलए अदालतले उनलाई १८ अगस्तसम्म ईडी हिरासतमा राख्न अनुमति दिएको थियो।
हिन्दुस्थान समाचार / भवानी थामी
