अनन्तनाग, २२ अगस्त (हि.स.)। राष्ट्रिय अनुसन्धान एजेन्सी (एनआईए) ले शनिबार जम्मू-कश्मीरको अनन्तनाग जिल्लामा आतङ्कवादसँग सम्बन्धित एक मामिलाको अनुसन्धानका क्रममा दुई स्थानमा छापा मारेको छ। अधिकारीहरूका अनुसार, दक्षिण कश्मीरको बिजबेहरा र डोरू क्षेत्रमा उक्त कारबाही गरिएको हो।

अधिकारीहरूले बताएअनुसार, एनआईएको टोलीले जम्मू-कश्मीर पुलिससँगको संयुक्त समन्वयमा दुवै स्थानमा रहेका दुईवटा घरमा तलासी लिएको थियो। घटनाको अनुसन्धानलाई अघि बढाउन तथा संदिग्ध गतिविधिसँग जोडिएका व्यक्तिहरूको भूमिकाबारे छानबिन गर्ने उद्देश्यले तलासी अभियान सञ्चालन गरिएको हो।

तलासीका क्रममा कुनै सामग्री वा कागजात बरामद भएकोबारे तत्काल जानकारी प्राप्त भएको छैन। अधिकारीहरूका अनुसार, तलासी अभियान पूरा भएपछि बरामद सामग्री तथा अनुसन्धानसँग सम्बन्धित अन्य विवरण सार्वजनिक हुने अपेक्षा गरिएको छ।

एनआईएले आतङ्कीसंग सम्बन्धित उक्त मामिलामा संदिग्ध गतिविधि तथा त्यसमा संलग्न व्यक्तिहरूको भूमिकाबारे अनुसन्धान गरिरहेको छ।

हिन्दुस्थान समाचार / भवानी थामी