लखनऊ, 23 अगस्त (हि.स.)। बहुजन समाज पार्टी (बसपा) की राष्ट्रिय अध्यक्ष मायवतीले दिल्लीको जन्तर मन्तरमा आरक्षणको विरोधमा भएको प्रदर्शनमा कड़ा प्रतिक्रिया दिएकी छन्। आरक्षण जस्ता संवेदनशील र महत्त्वपूर्ण मुद्दामा सस्तो राजनीतिमा नपर्न उनले जनतालाई अपील गरिन्। यसैबीच मायवतीले काङ्ग्रेस र राहुल गान्धीलाई पनि आरक्षण विरोधी मानसिकता भएको आरोप लगाउँदै निशाना बनाएकी छन्।

मायवतीले आइतवार एक्समा एक पोस्टमा भनेकी छन्, संविधानमा एससी, एसटी र ओबीसी समाजलाई दिइएको आरक्षणको विरोधमा र आर्थिक आधारमा आरक्षण लागू गर्ने माग उठाउन केही मानिसहरू दिल्लीको जन्तर मन्तरमा भेला हुनु उचित होइन। उनलेआरक्षणका सम्बन्धमा यस्तो कुनैपनि कदम चालिनुहुँदैन भनिन्, जसबाट समानतावादी समाज र विकसित तथा सम्मानित देशको निर्माणका लागि संवैधानिक प्रयासलाई हानि पुगोस्।

शताब्दीयौँदेखि जातिवादको अमानवीयता भोगिरहेका एससी, एसटी र ओबीसी समाजलाई संविधानले आरक्षणको व्यवस्था गरेको उनले बताइन्। डा. भीमराव अम्बेडकरको भनाइलाई उद्धृत गर्दै मायवतीले जातिवादको त्याग नै सबैभन्दा ठूलो देशभक्ति भएको बताइन्। उनले राष्ट्रिय हितमा पनि यसै भावनाका साथ काम गर्न जनतालाई अपील गरे।

आर्थिक आधारमा आरक्षणको मागमा बसपा प्रमुखले भनिन्, गरीबी उन्मूलन गर्न केन्द्र र राज्य सरकारहरूले हरेक वर्ष धेरै योजनाहरूमा ठूलो रकम खर्च गर्छन्। सरकारी प्रणालीमा भ्रष्टाचार र कमजोरीका कारण यदि यसको लाभ खाँचोमा परेका मानिससम्म पुग्दैन भने यो प्रणालीको कमी हो।

आर्थिक आधारमा आरक्षणको व्यवस्था पनि देशमा लागू छ तर यसको उचित लाभ गरीब उच्च जातिका परिवारहरूमा पुग्न नसकेको उनले बताइन्। उनी अनुसार, यस व्यवस्थामा वास्तविक लाभभन्दा छल बढ़ी देखिन्छ।

भ्रष्ट र जातिवादी सरकारी प्रणालीले आरक्षणका संवैधानिक प्रावधानहरूलाई उचित रूपमा लागू गर्न नदिएको आरोप मायवतीले लगाएकी छन्। यही कारण हो कि स्वतन्त्रतापछि पनि लामो समयसम्म एससी, एसटी र ओबीसी समाजका मानिसहरूले गरीबी, जातिय भेदभाव, शोषण र अत्याचारको सामना गरिरहेका छन्।

उनले सबै सरकारलाई आरक्षण विरोधी तत्वहरूलाई संरक्षण नगर्न आग्रह गरिन्। साथै उनले आरक्षण जस्ता महत्त्वपूर्ण र संवेदनशील विषयमा सस्तो राजनीतिबाट टाढ़ा रहन र यस्तो राजनीतिलाई बढ़ावा नदिन आम जनतासित आग्रह गरिन्।

मायावतीले भनिन्, सोही दिन काङ्ग्रेसका वरिष्ठ नेता राहुल गान्धीले पीड़ित व्यक्तिको मामिलामा एफआइआर दर्ता गर्न माग गर्दै संसद पुलिस स्टेशन बाहिर धेरै घन्टासम्म धरनामा बसेकोमा उनको पार्टीले कुनै आपत्ति छैन। यद्यपि, उनले दलित र उत्पीड़ित वर्गका लागि जातिमा आधारित आरक्षणको अन्त्यको माग गर्दै जन्तर मन्तरमा त्यसको छेउमा विरोध प्रदर्शन भइरहेको बेला राहुल गान्धी वा कुनै पनि काङ्ग्रेस नेताले प्रदर्शनकारीहरूलाई सम्झाउनसम्म नगएको बताइन्।

यसले काङ्ग्रेस र राहुल गान्धीको एससी, एसटी र ओबीसी वर्गप्रतिको कथित आरक्षण विरोधी मानसिकतालाई देखाउँछ, मायवतीले भनिन्।

हिन्दुस्थान समाचार / भवानी थामी