नयाँ दिल्ली, २६ अगस्त (हि.स.)। प्रधानमन्त्री नरेन्द्र मोदीले आज ‘एक्स’ मार्फत मिलाद-उन-नबी र ओणम पर्वका अवसरमा देशवासीहरूलाई शुभकामना व्यक्त गरेका छन्। उनले यी दुवै पर्वले समाजमा एकता, खुशी, दयालुता र समृद्धिको भावनालाई अझ सुदृढ़ बनाओस् भन्ने कामना गरेका छन्।
मिलाद-उन-नबीको शुभकामना दिँदै प्रधानमन्त्री मोदीले यो अवसरले सबैबीच एकता र आनन्दको भावना अभिवृद्धि गरोस् भन्ने शुभेच्छा व्यक्त गरे। उनले दयालुता तथा समाजप्रति योगदान गर्ने भावनाले सधैं सबैलाई मार्गदर्शन गरिरहोस् भन्ने कामना गर्दै लेखेका छन्, “ईद मुबारक! मिलाद-उन-नबीको हार्दिक शुभकामना।”
यसैगरी, प्रधानमन्त्री मोदीले ओणम पर्वको अवसरमा देशवासीहरूलाई शुभकामना दिँदै यसलाई भारत मात्र नभई विश्वभर उत्साहका साथ मनाइने जीवन्त पर्वको रूपमा वर्णन गरेका छन्। उनले ओणमले समाजमा खुशी, एकता र समृद्धिको भावनालाई अझ प्रवर्द्धन गरोस् भन्ने प्रार्थना गरेका छन्।
हिन्दुस्थान समाचार / भवानी थामी
