नयाँ दिल्ली, २६ अगस्त (हि.स.)। प्रधानमन्त्री नरेन्द्र मोदीले पारस्परिक सिकाइ, एक-अर्काको कुरा ध्यानपूर्वक सुन्ने बानी तथा निःस्वार्थ व्यवहारको महत्वलाई उजागर गरेका छन्। प्रधानमन्त्री मोदीले आज ‘एक्स’ मार्फत एउटा सुभाषित साझा गर्दै एक-अर्काबाट सिक्न र ध्यान दिएर सुन्न तत्पर रहने व्यक्तिहरूलाई विद्वानहरूले प्रशंसा गर्ने तथा उनीहरूले जीवनमा सुख-समृद्धि प्राप्त गर्ने बताएका छन्।
प्रधानमन्त्रीले साझा गरेको सुभाषित यसप्रकार छ-
“ज्ञानवृद्धाः प्रशंसन्ति शुश्रूषन्तः परस्परम्।
विनिवृत्ताभिसन्धानाः सुखमेधन्ति सर्वशः॥”
यसको अर्थ, जो मानिसहरू एक-अर्काबाट सिक्न र एक-अर्काको कुरा सुन्न इच्छुक हुन्छन्, उनीहरूको ज्ञानीजनहरूले प्रशंसा गर्छन्। यस्ता व्यक्तिहरू स्वार्थपूर्ण उद्देश्य वा कुनै लुकेको हितबाट टाढा रहन्छन्। उनीहरू निःस्वार्थ भावले पारस्परिक सहयोग र संवाद गर्दै जीवनका सबै क्षेत्रमा सुख र उन्नति हासिल गर्छन्।
प्रधानमन्त्री मोदीले यस सुभाषितमार्फत भारतीय ज्ञान परम्परामा निहित संवाद, विनम्रता, पारस्परिक सिकाइ तथा निःस्वार्थ आचरणजस्ता मूल्यहरूलाई उजागर गरेका छन्।
हिन्दुस्थान समाचार / भवानी थामी
