सिलगढ़ी, 07 अगस्त (हि.स.)। लगभग अढ़ाई वर्षपछि सिलगढ़ी जलपाईगुड़ी विकास प्राधिकरण (एसजेडीए)- को बोर्ड बैठक शुक्रवार सम्पन्न भयो। दार्जीलिङका जिल्लाधिकारी हरिशङ्कर पनिक्करको अध्यक्षतामा आयोजित सो बैैठकमा राज्यका पर्यटन मन्त्री शङ्कर घोष, परिवहन एवं वित्त राज्य मन्त्री आनन्दमय बर्मन, विधायक शिखा च्याटर्जी समेत केही जनप्रतिनिधि एवं अधिकारीहरू उपस्थित थिए।

बैठकमा मनसुनपछि गरिने लगभग सय करोड़ रुपियाँका विकास परियोजनाहरूलाई स्वीकृति दिइयो। यी परियोजनाहरू अन्तर्गत सड़क, ड्रेनेज, पेयजल, श्मशान घाटको सुधार औ आधुनिक लाइटिङ्ग व्यवस्था गरिनेछ। जाएगी। यस अतिरिक्तसिलगढ़ी बस टर्मिनसको छेउमा पुरानो एल-4 औ एल-5 भवनहरूको स्थानमा नयाँ कमर्शियल कम्प्लेक्सको निर्माण, एसजेडीए मार्केटको नवीनीकरण एवं माटीगाड़ा ट्रान्सपोर्ट नगरमा बस टर्मिनस बनाउनको लागि फण्ड माग्ने निर्णय पनि लिइयो।

यसको साथै नागराकाटा र धूपगुड़ीलाई एसजेडीएको दायरामा ल्याउने, सरकारी जमीनको जानकारी वेबसाइटमा प्रकाशित गर्ने औ कावाखालीको जमीन गुमाउने मानिसहरूको समस्यालाई चाँड़ै कानूनी प्रक्रिया अन्तर्गत सुल्झाउनेमाथि पनि सहमति कायम भयो। बैठकमा सबैभन्दा महत्वपूर्ण फसेला, पछिल्लो 15 वर्षको आर्थिक लेनदेनको स्पेशल अडिट गराउनेमाथि मोहर लगाइएको छ।

पर्यटन मन्त्री शङ्कर घोषले भने, भ्रष्टाचारविरूद्ध कुनै सम्झौता गरिनेछैन। आवश्यकता परे रिटायर्ड जजको निगरानीमा निष्पक्ष जाँच गरी दोषीहरूविरूद्ध कड़ा कानूनी कारबाही गरिनेछ। उनले बताए, एसजेडीएले आफ्नो राजस्व अनि सरकारी सहायताबाट विकास कार्यहरूलाई पूरा गर्नेछ।

हिन्दुस्थान समाचार / उष्णता छेत्री शर्मा