पश्चिम बर्दवान, 09 अगस्त (हि. स.)। आसनसोल जिल्ला अस्पतालमा आइतवार स्वास्थ्य सेवाहरूलाई विस्तार गर्ने दिशामा एउटा महत्वपूर्ण कदम उठाउँदै अन्कोलोजी ओपीडीको उद्घाटन गरियो। राज्यकी मन्त्री अग्निमित्रा पालले रिबन काटेर नयाँ अन्कोलोजी विभागमा ओपीडीको शुभारम्भ गरिन्। यस अवसरमा अस्पतालका अधीक्षक सीएम शेख मोहम्मद यूनुस, सहायक अधीक्षक, चिकित्सक, नर्स औ अन्य स्वास्थ्यकर्मी उपस्थित थिए।

कार्यक्रममा नौ अगस्त, अभयाको तेस्रो पुण्यतिथिमा दुई मिनटको मौन धारण गरी उनलाई श्रद्धाञ्जली अर्पण गरियो। अस्पताल परिसरमा उपस्थित चिकित्सक, नर्स एवं कर्मचारीहरूले अभयालाई स्मरण गर्दै उनीप्रति सम्मान व्यक्त गरे।

यस अवसरमा मन्त्री अग्निमित्रा पालले अभयालाई स्मरण गर्दै भावुक भइन्। उनले भनिन्, त्यस रातलाई उनले कहिल्यै भुल्न सक्दैनन्। अस्पतालको त्यो कोरिडोर, त्यहाँ लड़िरहेको एकजना छोरीको शव, आमाको चित्कार र बुवाको आँखामा देखिएको विवशता आज पनि उनको मनमा आलै छ।

अग्निमित्रा पालले भनिन्, त्यस दिन म पनि रोएकी थिएँ। मौन होइन, भित्रबाटै रोएकी थिएँ। ती छोरीकको अनुहारमा मैले आफूलाई देखेकी थिएँ, आफ्नी बहिनीलाी देखेकी थिएँ तथा ती हजारौं छोरीहरूको भविष्य देखेकी थिएँ जसको अगाड़ि एक सुरक्षित र सम्मानजनक जीवनको प्रश्न उभिएको छ।

उनले भावुक हुँदै भनिन्, अभया एउटा नाम मात्र होइन। अभया हाम्री घरकी छोरी हुन्, हाम्री बहिनी हुन्, हाम्री सन्तान हुन्। त्यसैले आज पनि म यो भन्छु- त्यस रातलाई म कसरी भुल्नु?

अर्कोतिर अन्कोलोजी ओपीडी शुरू भएकोले आसनसोल जिल्ला अस्पतालमा क्यान्सर रोगीहरूको लागि विशेषज्ञ परामर्शको सुविधा बढ़्ने आशा छ। जिल्ला अस्पतालमा पहिलाबाटै विभिन्न विशेषज्ञ सेवा तथा चिकित्सा प्रशिक्षणको सुविधा सञ्चालित छन्।

हिन्दुस्थान समाचार / उष्णता छेत्री शर्मा