नयाँ दिल्ली, 0१ सेप्टेम्बर (हि.स.)। छत्तीसगढ लोक सेवा आयोग (सीजीपीएससी) मा भएको कथित घोटालासँग सम्बन्धित मामिलामा प्रवर्तन निदेशालय (ईडी) ले आज छत्तीसगढका सात स्थानमा छापा मारेको छ।
ईडीका अनुसार, रायपुर जोनको टोलीले छत्तीसगढका पूर्वमुख्यमन्त्री भूपेश बघेलका तत्कालीन निजी सहायक (पीए) केके चन्द्राकरको निवासमा समेत खानतलासी गरेको छ। यसबाहेक एजेन्सीका टोलीले राज्यका अन्य ६ स्थानमा पनि पुगेका छन्। सीजीपीएससीमा भएको कथित अनियमितता तथा भर्ती प्रक्रियामा भएको भ्रष्टाचारसँग सम्बन्धित मामिलाको जॉंचका क्रममा यो कारबाही गरिएको हो।
ईडीको कारबाहीको उद्देश्य मामिलासँग सम्बन्धित दस्तावेज, डिजिटल प्रमाण तथा अन्य महत्वपूर्ण सामग्री संकलन गर्नुका साथै कथित अनियमिततासँग जोडिएका व्यक्तिहरूको भूमिकाबारे जॉंच गर्नु रहेको छ। खानतलासीका क्रममा फेला परेका दस्तावेज तथा अन्य सामग्रीको परीक्षणपछि मामिलामा थप कारबाही अघि बढाउन सकिने जनाइएको छ।
यस मामिलामा ईडीको जॉंच जारी रहेको छ।
हिन्दुस्थान समाचार / भवानी थामी
01 Sep 2026
