मालदा, 11 सेप्टेम्बर (हि. स.)। मानिकचकको भूतनीमा बितेका केही दिनदेखि व्याप्त बाढ़ीको भयानक स्थितिको जायजा लिन शुक्रवार विधायक गौगरचन्द्र मण्डल आइपुगे। शुक्रवार विधायकले खण्ड तथा जिल्ला प्रशासनिक अधिकारीहरूको साथमा भूतनका बाढ़ी प्रभावित क्षेत्रहरूको दौड़ाह गरी मानिसहरूलाई राहत सामग्री वितरण गरे।
यस अतिरिक्त विभिन्न दुर्गम क्षेत्रहरूमा नौकाको माध्यमबाट राहत सामग्री पुऱ्याउने व्यवस्था पनि गरियो। उनले बताए, मुख्यमन्त्री शुभेन्दु अधिकारी पनि प्रभावित क्षेत्रको भ्रमण गर्नका लागि यहाँ आउनेछन्। तथापि मुख्यमन्त्रीको भ्रमणको मिति निर्धारण भएको छैन।
ज्ञातब्य रहोस्, गत तीन सेप्टेम्बरदेखिकै मानिकचकको भूतनी क्षेत्रमा गङ्गा नदीको पानी पसेर गम्भीर बाढ़ीको स्थिति उत्पन्न भएको छ। यहाँका तीन वटा क्षेत्रहरू बाढ़ीको पानीमा डुबेका छन् भने दुई लाखभन्दा अधिक मानिसहरू प्रभावित भएका छन्। यस्तो कठिन घड़ीमा मानिकचकका विधायक गौड़चन्द्र मण्डलले लगातार प्रभावितहरूको माझमा पुगेर राहत कार्यहरूको निगरानी गरिरहेका छन्।
सम्वाददाताहरूसित बातचित गर्दै विधायकले भने, भूतनीको भयावह स्थितिमा उनी तथा प्रशासनिक अधिकारीहरू लगातार प्रभावित मानिसहरूको साथमा उभिएका छन्। उनीहरूको सुरक्षाको लागि काम गरिरहेका छन्। उनले दाबी गरे, बाढ़ी प्रभावित सबै मानिसहरूसम्म पर्याप्त राहत सामग्री पुऱ्याइँदैछ।
विधायकले भने, पछिल्लो सरकारमा जस्तै राहत सामग्रीलाई लिएर कुनै पनि प्रकारको लुटपाट हुन दिइनेछैन।
हिन्दुस्थान समाचार / उष्णता छेत्री शर्मा
