कोलकाता, 11 सेप्टेम्बर (हि.स.)। दुर्गापुर ब्यारेजको लकगेट मरम्मत भइरहेकोले ब्यारेज रोडमा पाँच रातसम्म वाहनहरूको आवागमन बन्द रहनेछ। 11 सेप्टेम्बरदेखि आगामी 15 सेप्टेम्बरसम्म राती 11 बजेदेखि बिहान 4 बजेसम्म यस मार्गमा सामान्य वाहनहरूको आवागमन बन्द रहनेछ। एम्बुलन्स र दमकल जस्ता आपातकालीन सेवाका वाहनहरूलाई भने आवत-जावत गर्ने अनुमति दिइनेछ।
बाँकुड़ा जिल्ला प्रशासनद्वारा जारी अधिसूचना अनुसार मरम्मत कार्य अवधि वाहनहरूलाई वैकल्पिक मार्गबाट पठाइनेछ। बाँकुड़ादेखि दुर्गापुर र कोलकाता जाने वाहनहरूलाई हेवी मोड़-गङ्गा जलघाटी हुँदै रानीगञ्जको मेजिया पुल भएर पठाइनेछ। अन्य वाहनहरूलाई बेलियातोड़ तीनमाथा मोड़, सोनामुखी र बाँकुड़ा मोड़ हुँदै बर्दवान तर्फ पठाइनेछ।
उल्लेखनीय छ, दामोदर नदीमाथि वर्ष 1955-मा निर्मित दुर्गापुर ब्यारेजको लम्बाई 692 मीटर छ भने यसमा 34 वटा गेटहरू छन्। यसको सञ्चालन दामोदर घाटी निगमले गर्छ।
अधिकारहरू अनुसार पुरानो भइसकेको लकगेटको मरम्मत गरिँदैछ। ब्यारेजमा कमजोर भइसकेका गेटहरूलाई फेर्ने र मरम्मत गर्ने काम वर्ष 2018-देखि नै चरणबद्ध ढङ्गमा भइरहेको छ।
हिन्दुस्थान समाचार / उष्णता छेत्री शर्मा
